JIHUSUA 24:17 - AMÜSÜH HÜM CL Bible (BSI)

¹⁷ tümüde Atungpuh isa Thrünpuhnü isa jipürü tüsho isa Ijip azhorü kuhi chingnü bedarü, tüsho apinü amüyinsahbe rhimokhi isanü ngü. Isanü hode arükhi limro tüsho mihtsürü bolung chingnü apinü isa khümkhit;

JIHUSUA 24:17 Iomraidhean Croise

2 KIUTHSÜYUKHEAN 13:10

Tüshe isa thsungkheak a, Atungpuh ju isa Thrünpuh, tüsho isanü api mübahyuk. Isa a Atungpuh tankihpü Aron tsühsoniusobo amükeamrübo tüsho arü tankihpü Levirü ah.

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 19:4

Inü Ijiprü kheak rhimokhi, tüsho müleang ghidükeangbo kheak nüsa I kilim hanbah arükhi nüsanü ngüdo.

ISAIA 46:4

nü ashin khiungde I api ah, nü ku buyiuk khiungde inü nü buhbah. Inü nü thründo, tüsho inü akümbah; inü nü buhbah tüsho khümkhitbah.

YUZÜNGTHALO 29:2

Kheakü Mosanü Israelrü alala jibahle arü ki tha: “Atungpuhnü nüsa mük kinü Ijip lomi ching, Pharao tüsho ayamlarü le api lo alala ching rhimokhi nüsanü ngüdo.

YUZÜNGTHALO 32:9

Tümüde Atungpuh lupü shihcham ju api mihtsürübo, Jakob ju apinü achamkhitkhi yamrüplurüp. @SP ACE=

YUZÜNGTHALO 7:19

nüsa müknü angükhi rükakikhi ato, amükheahmihbe, khinthiyinbe, tüsho Wuto khahnü chunghuhde Atungpuh nüsa Thrünpuhnü nüsa bekhit; jumonü Atungpuh nüsa Thrünpuhnü nüsanü trede alakhi mihtsürü alala ju ruk rhimobah.

JIHUSUA 24:16

Judüki mihtsürübonü alo, “Püpü thrünpuhbo tankihpü thsungkheak isanü Atungpuh mübahyuk;

JIHUSUA 24:18

tüsho ju lo ching larü Amorrübo Atungpuhnü isa müngühnü yankhitabah. Jumonü isa she Atungpuh tankihbah, tümüde api isa Thrünpuh.”