JIHUSUA 24:15 - AMÜSÜH HÜM CL Bible (BSI)

¹⁵ Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

JIHUSUA 24:15 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

1 KIUTHSÜYUKHEAN 1:14

Jebusrü, Amorrü, Girgashrü,

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

ABEKHIT 23:2

Amütsü rhimopü nünü boto düyan; yungsho thiyumütsan jihchoki thiyuro bephülappü thsüde boto kilim dütsang.

ABEKHIT 23:24

Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 34:15

Ju lomi ching larü kheak binthrüm müthsüpü kümkangang; tümüde küyimki arünü arü thrünpuhbo kheak müzammüramde laksah-a kingaünba, arünü nüsa jiyukbah tüsho nüsanü arü kingaünbo tsühbah.

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

LEVI 14:42

tüsho arünü lahkhita bahkhi lungbo müthri lung püpü handarünü ayukbah, tüsho amujube aso handarünü rhü ju amujudobah.

MIKA 4:5

Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUZÜNGTHALO 13:7

nüsa phünide yungsho limshude alarü alomi akheam thripkhühnü khülim khiungkhi mihtsürü thrünpuhbo lanü,

YUZÜNGTHALO 29:18

khükia nüsa bolung athrürü yungsho aliberü yamkhün yungsho trük, Atungpuh isa Thrünpuh kheaknü mulong rholobah harü trükshih thrünpuhbo tankihbah, tüsho nüsa bolung aying akhüh tüsho ari zahkhi sang nangde alabah;

JIHUSUA 24:16

Judüki mihtsürübonü alo, “Püpü thrünpuhbo tankihpü thsungkheak isanü Atungpuh mübahyuk;

MAHKHAPRÜ 6:10

tüsho inü nüsa ki tha, ‘I Atungpuh nüsa Thrünpuh; nüsanü nüsa lakhi lo ching Amorrü thrünpuhbo ki wüntre müjihbeah.’ Tüshe nüsanü I yu mani.”