JIHUSUA 24:14 - AMÜSÜH HÜM CL Bible (BSI)

¹⁴ “Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 24:14 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 35:2

Jakobnü api yamkhün tüsho api lung larü alala ki tha, “Nüsa bolung lakhi khiungkerü thrünpuhbo bahbah nüsa tsangkhitang, tüsho nüsa khimmihbo müthriang.

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

EZRA 9:11

Küpü nü yamlarübo, wukihrübo hode isa ki ha thashihkhea, ‘ Alo küpü nüsanü amükühpü lanü, mihtsürü neak hode mümüsüh, arü thraneanachihkhi hode akheam thripkhühnü khülim khiungde müneana lah.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 81:10

I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

EZEKIEL 20:18

Inü sunglo ching arü tsührübo ki tha, “ Nüsa bebuhrü yuzüngbo düyan yungsho arü yakzanbo düzo yungsho arü sangthsübo kheaknü nüsa müneana dulu.

EZEKIEL 23:3

ane athunu kim Ijip ching lachoki arü atsangkhitkhi dükheakabah tüsho müzammüramrü kam.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

YUZÜNGTHALO 18:13

Nüsanü A TUN GPU H nüsa Thrünpuh miki thiyuro laang.”

YUZÜNGTHALO 6:13

Nüsanü Atungpuh nüsa Thrünpuh wüntreang, tüsho api tankihang, tüsho api mung ching thiyuchihchim luang.

FILIPI 1:10

junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde,

JIHUSUA 24:2

Jihusuanü mihtsürübo ki tha, “ Ha Atungpuh Israel Thrünpuhnü thachoh: Adüso nüsa jipürü Tera tüsho atsührü Abraham tüsho Nahor, Ephraim ayung thripkhüh lim lade püpürü thrünpuhbo kingaünkheah.

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

1 SAMUEL 12:14

Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”