JIHUSUA 24:11 - AMÜSÜH HÜM CL Bible (BSI)

¹¹ Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

JIHUSUA 24:11 Iomraidhean Croise

THRÜNTAN 15:19

lomibo berukhi ju Kenrü, Kenizrü, Kadmonrü,

MUNGSHIKHÜN 105:44

Apinü arü kilim khiungkerü lobo jih, tüsho arünü trükshihbo khuksahkhi yamrüplurüp lu,

MUNGSHIKHÜN 114:3

Ketonü ju ngü tüsho tso; Jordannü rholode tso.

MUNGSHIKHÜN 114:5

O keto, tümü thsüa nü tsokhea? O Jordan, tümüde nü rholode atsokhea?

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 23:28

Tüsho inü nüsa müngüh Hivrü, Kananrü, tüsho Hitrü yankhitshihpü leyü yüshihbah.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

YUNIRÜBO RHIMO 13:19

Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih.

YUNIRÜBO RHIMO 7:45

Isa jipürünü arüngkhimyam leangkhia lubah Thrünpuhnü arü müngüh yankhita bahkhi trükshih lomi luchoki Jihusua lungnü hanbah yü. Tüsho ju ching David kim khiungde la.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

JIHUSUA 4:1

Küyimki mihtsürü athrünkhi Jordan hokhea, Atungpuhnü Jihusua ki tha,

JIHUSUA 4:19

Mihtsürübo akhuhbe khinu thürü nipü Jordan chingnü akhiuk tüsho Jirikho aniakhiuklim, Gilgal ching binkheampü khimyam thsü.

JIHUSUA 4:23

Amürüm keto ngahshihkhi nangde, nüsa muhochoki khiungde Jordan keto she Atungpuh nüsa Thrünpuhnü ngahshihdo de arü ki nüsanü thaang.

JIHUSUA 9:2

Jihusua tüsho Israelrü bede keochihpü thsungkheaknü arübo thsürude mukhung.