JIHUSUA 23:16 - AMÜSÜH HÜM CL Bible (BSI)

¹⁶ Nüsanü Atungpuh nüsa Thrünpuhnü tangzüngkhi thsümünimbah püpü thrünpuhbo ki mükhümde kingaünsho Atungpuh bukakhiukkhi nüsa kheak alü labah, tüsho apinü nüsa kilim jihkhi lo atsü chingnü nüsa nahde adükheakbah.”

JIHUSUA 23:16 Iomraidhean Croise

1 KIULONG THSÜRÜ 14:15

“ Ke ching kiupung niukkhi nangde Atungpuhnü Israel shikbah; apinü arü jipürü kilim jihkhi lo atsü chingnü apinü Israel rukkhita bahbah, tüsho Euphra hode arü hiumüzütshihbah, tümütüsho arünü Atungpuh bukakhiukshihde amüsüh Ashera thsüdo.

1 KIULONG THSÜRÜ 9:6

Nü yungsho nü tsührübonü I yankhi chingnü anguhsho, tüsho inü nü miki zojihkhi I yukhümbo le I yakzanbo manide yübah püpü thrünpuhbo tankihde arü kingaünsho,

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 17:7

Ha dünji tümütüsho Israel mihtsürünü arü Ijip kiulongthsüpuh khah ching Ijip lomi chingnü bekhitbuh arü Thrünpuh Atungpuh azhihde neak yihbeak. Arünü püpürü thrünpuhbo kingaün

2 KIULONG THSÜRÜ 24:20

Dükde, Jirusalem tüsho Juda kheak Atungpuhnü khide bukakhiuk, junangde apinü arübo amikinü yana tsoshih. Jushu Zedekianü Babilon kiulongthsüpuh kheak azhihde wusu.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

WÜHKHE 33:56

Jude yungsho inü arü kheak tümü rhimopü lümlanü nüsa kheak rhimobah.”

YUZÜNGTHALO 17:3

shepünü tsode yünü püpürü thrünpuhbo tankihde inü thiyukhüm müjihkhi ani, khinu yungsho thüning kheak lakhi khürü kingaünbanü;

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 6:15

tümüde nüsa lung lakhi Atungpuh nüsa Thrünpuh ju mükthsübuh Thrünpuh; jude yungsho Atungpuh bukakhiukkhi nüsa kheak labah, tüsho apinü nüsa alomi kheaknü dükheakshihbah.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

1 SAMUEL 12:25

Tüshe nüsanü judü lang amütsü rhimosho, nüsa le nüsa kiulongthsüpuh chido phüta bahbah.”