JIHUSUA 23:15 - AMÜSÜH HÜM CL Bible (BSI)

¹⁵ Tüshe Atungpuh nüsa Thrünpuhnü atsü lümjihbah nüsa kheak dünjikhi nangde Atungpuh nüsa Thrünpuhnü ajihkhi lo atsü chingnü nüsa müdükheakkhamyi khiungde Atungpuhnü nüsa alala kheak athsümünimbe handarübah.

JIHUSUA 23:15 Iomraidhean Croise

1 KIULONG THSÜRÜ 14:15

“ Ke ching kiupung niukkhi nangde Atungpuhnü Israel shikbah; apinü arü jipürü kilim jihkhi lo atsü chingnü apinü Israel rukkhita bahbah, tüsho Euphra hode arü hiumüzütshihbah, tümütüsho arünü Atungpuh bukakhiukshihde amüsüh Ashera thsüdo.

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

ISAIA 24:6

Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 32:42

Tümüde Atungpuhnü ha thachoh: Inü ha mihtsürü kheak thsümütsü ato handarükhi nangde, inü kheakü arü ki alokhikhi, kuhi atsü alala arü kheak handarübah.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

LEVI 26:3

Nüsanü I yakzan thsükhibo yansho tüsho I yuzüngbo thiyuronü leangkhisho,

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

MAHKHAPRÜ 13:1

Kheaküshe Israel mihtsürünü Atungpuh miki amütsü rhimo, tüsho Atungpuhnü arü kam yirü Filistiarü khah ching jih.

MAHKHAPRÜ 3:12

Kheaküshe Israelrünü A TUN GPU H miki amütsü rhimo; jumonü Atungpuhnü Moab kiulongthsüpuh ju Israel azhihde reangzahshih.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.

MAHKHAPRÜ 6:1

Israel mihtsürünü Atungpuh miki amütsü rhimo; tüsho Atungpuhnü arübo kam thüne Midiarü khah ching jih.