JIHUSUA 23:13 - AMÜSÜH HÜM CL Bible (BSI)

¹³ Atungpuh nüsa Thrünpuhnü kheakü harü trükbo nüsa müngühnü yana mübahjih dükhi nüsanü tsükjide mükheahang; tüshe nüsa thsungkheaknü arü lang atrebe qimürip tüsho azheang tüsho nüsa düthsün kheak rhapbe liu tüsho nüsa mük ching ayang zahkhi nangde, Atungpuh nüsa Thrünpuhnü ajihkhi lo atsü ching nüsa müdükheakkhamyi khiungde alabah.

JIHUSUA 23:13 Iomraidhean Croise

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

2 KIULONG THSÜRÜ 17:18

Jumonü Atungpuhnü Israel kheak khide bukakhiuk tüsho api mikinü arü yihkhita bah; Juda trük kheak hode sheshe maning.

2 KIULONG THSÜRÜ 17:20

Atungpuhnü Israel tsühsoniusobo alala bahyuk; apinü arü thsümüchi tüsho api mikinü yankhita mübahyi khiungde arü riri bukmükerü khah ching jih.

2 KIULONG THSÜRÜ 25:21

Babilon kiulongthsüpuhnü arü kinga lungshih tüsho Hamath lomi Ribla chingnü arü sheshih. Jumonü lomi bahbah Juda ramtso ching yü.

2 KIULONG THSÜRÜ 25:26

Judüki mihtsürü alala, achangbe tüsho abobe tüsho thirithsürü wühkenorübonü tsahmusu tüsho Ijip ching yü; tümüde arünü Kaldearü trede alakheah.

MUNGSHIKHÜN 69:22

Arü miki dükhüm ju qimürip kamshang; arü amüsüh aniojikhibo azheang kamshang.

ABEKHIT 10:7

Judüki Pharao yamlarübonü api ki tha, “Külokhüh ha mihtsürü isa ki qimürip laba? Mihtsürübo tsoshang, junangde arünü Atungpuh arü Thrünpuh tankihbah. Ijip thsümünima lah de nünü mümükheah de?”

ABEKHIT 23:33

Arübo nüsa lo ching dülashih, jude yungsho arünü I azhihde nüsa neak yihbeakshihbah. Tümüde nüsanü arü thrünpuhbo tankihsho, tsükjide ju nüsa ki qimürip labah.”

ABEKHIT 34:12

Nüsa yüpü lakhi lomi ching larü kheak binthrüm müthsüpü kümkangang, jude yungsho nüsa bolung arübo ju qimürip labah.

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

EZEKIEL 28:24

Israel yamkhünnü kheaküa amükeakbe khingphu yungsho achinkhitbe ayang arü bahyukde arhimorü arü yamhingrü bolung müngü. Tüsho I Atungpuh de arünü mükheahbah.

WÜHKHE 33:55

Tüshe nüsanü ju lo ching larü yankhita mübahsho, nüsanü aninga zorübo junü nüsa mük alühde alabah tüsho nüsa rheang ki ayang thsübah; tüsho nüsa lakhi lomi ching arünü nüsa küpkhuk jihbah.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 29:28

Tüsho Atungpuhnü abukakhiukde arü rukkhita arü lomi chingnü püpürü lomi ching yüshih, tüsho khihni khiungde lah.’

YUZÜNGTHALO 30:18

nüsa tsükjide adükheakbah de inü khihni nüsa ki zhiyukchoh; nüsanü Jordan hode yübah müküh-a lupü lakhi lo ching nü jingtsüpkutsüp müla.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

2 TIMOTHI 2:26

tüsho arübo ju api lümkhi rhimoshihpü ramkhi amünean zheang chingnü atsokhitbah.

MAHKHAPRÜ 2:21

Inü she Jihusua shechoki aninga lakhi trükshihbo arü müngühnü yankhita mübah,