JIHUSUA 23:12 - AMÜSÜH HÜM CL Bible (BSI)

¹² Tümüde nüsanü rholode yübah nüsa lung aninga larü trükbo lung thsürude yihluachihsho,

JIHUSUA 23:12 Iomraidhean Croise

THRÜNTAN 2:24

Jumonü athrürünü nihbuh abuh tüsho abe zojihbah niuberü lung thsürua labah, tüsho ane shihphü khülang kambah.

THRÜNTAN 34:3

Api menü Jakob tsührübe Dina khide mürüh, apinü anünübe muzho tüsho anihbe ki muzhode asuk.

1 KIULONG THSÜRÜ 11:2

Arübo ju trükshihbo chingnü, küpü thsungkheak Atungpuhnü Israelrü ki tha, “Nüsanü arü lung düyihluachih; tümüde tsükjide arünü nüsa mulong bephülapa arü thrünpuhbo yanshihbah”; judüalalashe Solomonnü arü kheak muzhode mürip.

1 KIULONG THSÜRÜ 11:4

Tümüde küyimki ashinbuhrü kamkhea, api niuberübonü api mulong arü thrünpuhbo kilim bephülap; tüsho abuh David mulong nangde api mulong ju Atungpuh api Thrünpuh kilim thiyuro mülakheah.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

EZEKIEL 18:24

Tüshe mürangkhüh thiyurolungki mihtsürü khülangnü nihbuh thiyuro-lungki chingnü rholo tüsho neak yihbeaksho tüsho mihbukmuyuk mihtsürünü arhimokhi rukhüh athraneanbe rhimosho, api alaba de? Api thiyuro-lungki rhimokhi tümü she mülümkhit. Tümütüsho api thiyuro mülakhinü mülimde lah tüsho apinü neak yihbeakkhinü, api ashebah.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

MATHI 12:45

Judüki apinü yübah api kheaknü alü mihbukmuyuk mebo püpü thüne anihbuh lung bebah ju ching yüzahchoh tüsho lachoh; tüsho mihtsürü kuhi ju atan kheaknü ashube amütsübe kamchoh. Junangde mihbukmuyuk lün kheak she jude alabah.”

JOHAN 6:66

Ju kim chingnü api jingyanrü ahihkhühnü tsolo tüsho api lung mütsahdebah.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

YUZÜNGTHALO 6:15

tümüde nüsa lung lakhi Atungpuh nüsa Thrünpuh ju mükthsübuh Thrünpuh; jude yungsho Atungpuh bukakhiukkhi nüsa kheak labah, tüsho apinü nüsa alomi kheaknü dükheakshihbah.

YUZÜNGTHALO 7:3

Yungsho nüsanü arü kheak düyihluachih. Nüsanü tsührü aliberübo arü kilim dürhangshih, yungsho nüsa tsührü athrürü khilim arü tsührübebo dülu.

YUZÜNGTHALO 7:4

Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

JIHUSUA 23:11

Jumonü Atungpuh nüsa Thrünpuh muzhopü khide kümkangang.

1 JOHAN 2:9

Shepünü api ayin ching lah de thabah keoniorü thraneanchonü kheakü khiungde amiting ching lah.

MAHKHAPRÜ 14:3

Judüki abuh le abe bünenü api ki tha, “Nüsa keoniorü yungsho I mihtsürü alala bolung aliberü mülade nünü tsütamübahkhi Filistiarü kilim yübah nü niube thsüpü lupü?” Tüsho Samsonnü abuh ki tha, “ Alibe I thsungkheak lujang, tümüde inü anihbe mürühlah.”

MAHKHAPRÜ 3:6

Arünü arü tsührü aliberübo yamkhün thsüpü lu tüsho arü tsührübebo arü tsührü kilim jih, tüsho arünü arü thrünpuhbo tankih.