JIHUSUA 23:1 - AMÜSÜH HÜM CL Bible (BSI)

¹ Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,

JIHUSUA 23:1 Iomraidhean Croise

THRÜNTAN 25:8

Abraham kutsüpde shinde labah sheabah, tüsho api mihtsürü kilim yü.

1 KIULONG THSÜRÜ 1:1

Kiulongthsüpuh David khide shina lakheah; tüsho ayamlarübonü api khimnü phudodo she mülamlamde alakheah.

1 KIUTHSÜYUKHEAN 23:25

Tümüde Davidnü tha, “Atungpuh , Israel Thrünpuhnü api mihtsürübo kilim sühakhim jihdo; tüsho api Jirusalem ching lünnü lah.

1 KIUTHSÜYUKHEAN 27:1

Ha Israel mihtsürü, guk ching akubo, chithürübo tüsho chibo wühkenorübo, tüsho kam amuyung khinu abande achamnakkhi ayannü lüpdükhi ching kiulongthsüpuh tankihkhi khinlang, achamnak abannü akhekhi 24,000:

2 KIUTHSÜYUKHEAN 14:1

Jumonü Abija api jipürü lung yap, tüsho arünü api David kiuto ching kiuyukabah. Api tsührü Asanü api müthri. Api nimungbo ching kam thürü mungtsü lakheah.

2 KIUTHSÜYUKHEAN 14:5

Apinü Juda kiutobo alala chingnü achang dangpungbo tüsho rhümthüneabe kingaün sadambo yihkhita bah. Tüsho api bukkhüp kiulongthsü mungtsü lakheah.

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

ISAIA 63:14

Jindükhün ching moshi yüzahkhi nangde, Atungpuh menü arü kilim sühakhim jih. Hanangde nü mung müretahpü thsungkheaknü nünü nü mihtsürü be.

YUZÜNGTHALO 31:2

Tüsho apinü arü ki tha: “Khihni I kam 120 azorü ah. Kheakü inü wukhiukla azahla de müthsükhuk, kheaküshe Atungpuhnü I ki tha, ‘Nü ha Jordan hode müyü.’

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 13:1

Kheakü Jihusua khide ashinbuhrü lakheah, tüsho Atungpuhnü api ki tha, “Nü khide shina lah, tüshe kheaküshe alo ahihdo yankhia lupü lah:

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.

1 SAMUEL 12:2

Kheahang, nüsa becho ha kiulongthsüpuh ah; I shina lah tüsho ku buyiuka lah, tüshe I tsührübo nüsa lung lah: I athunu kim chingnü khihni khiungde inü nüsa bedo.