JIHUSUA 22:5 - AMÜSÜH HÜM CL Bible (BSI)

⁵ Mosanü ajihkhi yakzan anipü ha tsüde thsakhamang: Atungpuh nü Thrünpuh muzhoang, api limro alala ching tsahang, api yukhümbo aniang, api kheak ramrihang, tüsho nü mulong tüsho nü me athrünkhinü mulongkhitbah api tankihang.”

JIHUSUA 22:5 Iomraidhean Croise

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 78:7

Judüki arünü Thrünpuh kheak kinbah tüsho api rhimobo amüsüh mümih tüshe api yukhüm bo zobah.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

ABEKHIT 20:6

tüshe I muzhorü tüsho I yukhümbo zorü chithürübo ki mihmüthsüm huhchoh.

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ABEKHIT 23:25

Junangde nüsanü Atungpuh nüsa Thrünpuh tankihbah, tüsho apinü nüsa yikhap tüsho ke müngühjihbah. Tüsho inü nüsa bolungnü tukthsüdukram lude atsobah.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

MATHI 22:37

Jisunü alo, “Nü mulong athrünkhinü, nü me athrünkhinü, tüsho nü lümkhi athrünkhinü Atungpuh nü Thrünpuh muzhoang.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

LUKNÜ ATHRÜTKHI THIYUSHEAK-ATSÜ HUHTANYU 1:74

isa riribo khah chingnü isa bekhitpü, tüsho mütrede isanü api tankihkhukshihpü,

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 14:15

“Nüsanü I muzhosho, I yuzüngbo zoang.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 11:1

“Jumonü nünü Atungpuh nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

YUZÜNGTHALO 11:22

“Tümüde nüsanü kümkangde arhimopü thsüde inü thiyukhüm jihkhi ha thiyukhümbo Atungpuh nüsa Thrünpuh muzhopü, api limro ching tsahpü tüsho api kheak chingkihde alapü mihyuanisho,

YUZÜNGTHALO 13:4

Nüsanü Atungpuh nüsa Thrünpuh dunglim tsahang tüsho api wüntreang, tüsho api yukhüm yande api düsheak aniang, tüsho nüsanü api tankihde api kheak düngdüng ramrihang.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

YUZÜNGTHALO 4:4

Tüshe nüsa Atungpuh kheak zhimkihbah alarü alala khihni rhangdung lah.

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 5:10

tüshe I muzhorü tüsho I yukhüm anirü; chithürübo kilim amüthsüm huhchoh.

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

JIHUSUA 23:8

tüshe nüsanü khihni rhimokhi nangde Atungpuh nüsa Thrünpuh kheak düngde ramrihang.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!

1 SAMUEL 12:20

Tüsho Samuelnü mihtsürübo ki tha, “Dütre; nüsanü ha amütsü rhimobo alala rhimodo, tütüshe Atungpuh yankhi chingnü dürholo, tüshe nüsa mulong athrünkhinü Atungpuh tankihang;

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”