JIHUSUA 22:34 - AMÜSÜH HÜM CL Bible (BSI)

³⁴ Tüsho Reuben le Gadrünü kingaün sadam mung ha ji: Atungpuh ju Thrünpuh de isa dükeak thiyumütsan khülang ah.

JIHUSUA 22:34 Iomraidhean Croise

THRÜNTAN 31:47

Labannü ju ki Jegar-sahadutha de ji, tüshe Jakobnü Galeed de ji.

THRÜNTAN 31:48

Tüsho Labannü tha, “Khihni ha lungrhung ha ike dükeak thiyumütsan khülang ah.” Jumonü ju mung Galeed de ji.

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

ISAIA 19:19

Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

JIHUSUA 22:27

tüshe ha isanü she Atungpuh amüsüh kingaünpung ki taka kingaünde, laksah-a kingaünde tüsho mungtsü kingaünde laa lah de isa le nüsa tüsho dunglim tsührübo dükeak thiyumütsan lang ah. Junangde nüsa tsührübonü isa tsührübo ki, nüsa Atungpuh miki tümü shihcham müla de arübe kim ching müthashihpü thsungkheak ah.

JIHUSUA 24:27

Jihusuanü mihtsürü alala ki tha, “ Kheahang, ha lungnü isa thiyumütsan thsübah; tümüde Atungpuhnü isa ki thakhi yu alala sodo; jumonü nüsa Thrünpuh kheak thiyuro mülasho hanü nüsa azhihde thiyumütsan thsübah.”