JIHUSUA 22:31 - AMÜSÜH HÜM CL Bible (BSI)

³¹ Eleazar tsührü amükeambuh Phinehasnü Reubenrü, Gadrü tüsho Manaserü ki tha, “ Khihni isa lung Atungpuh lah de isanü mükheahlah, tümütüsho nüsanü api mazhih, kheakü nüsanü Israelrü Atungpuh khah chingnü bekhitdo.”

JIHUSUA 22:31 Iomraidhean Croise

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

EZRA 7:5

Abishua tsührü, Phinehas tsührü, Eleazar tsührü, Aron amükeambuh tsührü lakheah.

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

JIHUSUA 22:30

Küyimki amükeambuh Phinehas tüsho boto limthorübo, Israel guk ching akuthsürübo api miki zhiprünü Reuben, Gad tüsho aniakhiuklim Manase trükbonü athakhi sokhea, arübo reangkeam.

JIHUSUA 22:32

Judüki amükeambuh Eleazar tsührü Phinehas tüsho limberübonü Reuben, tüsho Gadrü Gilead ching zojihbahle Israelrü kilim Kanan ching wulunglo tüsho arübo ki thiyusheak jih.

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.