JIHUSUA 22:29 - AMÜSÜH HÜM CL Bible (BSI)

²⁹ Dükde isanü Atungpuh mazhih yungsho kingaün sadam thsübah taka kingaünde, hi kingaünde, yungsho laksah-a kingaünde khihni api dunglim yankhi chingnü mutuklo. Arüngyam müngüh lakhi Atungpuh isa Thrünpuh kingaün sadam khiode püpü kingaün sadam isanü müthsü.”

JIHUSUA 22:29 Iomraidhean Croise

THRÜNTAN 44:17

Tüshe apinü tha, “Inü jude athsüpü I kheaknü limshuang; tüshe shepü mihtsürü khah ching pung ngükheanü I yo azhorü thsübah. Tüsho nüsa a mungtsü chingnü nüsa abuh kilim yüang.”

THRÜNTAN 44:7

Tüsho arünü api ki alo, “Tümüde isa tungpuhnü hadürü yubo thacho? Nü yamlarübonü hadürü rhimopü isa kheaknü limshuabahang.

1 KIULONG THSÜRÜ 21:3

Tüshe Nabothnü Ahab ki tha, “Isa jipürü yamrüplurüp nü kilim jihpü thsüde Atungpuhnü mümülü.”

2 KIULONG THSÜRÜ 18:22

Tüshe nünü I ki, ‘Isanü Atungpuh isa Thrünpuh kheak düthsün angübah,’ de thacho ju Hezekianü achang dangpungbo luka bahde Juda tüsho Jirusalem ki, ‘Nüsanü Jirusalem ching ha kingaün sadam miki kingaünbeah’ de athakhi thsü yung de?

2 KIUTHSÜYUKHEAN 32:12

Ha Juda tüsho Jirusalem ki, ‘Nüsanü kingaün sadam khülang miki kingaünbah, tüsho nüsanü ju kheak rhümthüneabe takbah’ de thade api achang dangpungbo tüsho kingaün sadambo hande atsokhi Hezekia yung de?

ROMRÜ KILIM PAULNÜ ATHRÜTKHI KIHÜM HUHTANYU 3:6

Jude yung! Jude thsüsho, Thrünpuhnü küde alomiküp mahkhapkhukpü?

ROMRÜ KILIM PAULNÜ ATHRÜTKHI KIHÜM HUHTANYU 6:2

Jude yung! Isanü küde thsah neak ching shebah judü lang rhangdung lakhukpü?

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

JIHUSUA 22:23

Atungpuh ki mihyu manide isanü nihbuh kingaün sadam kheak taka kingaünsho yungsho hi kingaün tüsho mungtsü kingaün jihsho Atungpuhnü aküdah thsüde isa kheak royimshang.

JIHUSUA 22:26

Jumonü isanü kingaünpü yungsho laksah-a kingaünpü thsungkheak thsükhi yung,

JIHUSUA 22:28

Isa lümkhi ju dünjisho arübe ching tsühsoniusonü athabah, ‘ Kheahang! Atungpuh kingaün sadam kiphahde isa jipürünü she thsüa lah. Ha taka kingaünpü yungsho laksah-a kingaünpü thsungkheak yung, tüshe nüsa tüsho isa mihtsürü dükeak thiyumütsan khülang ah.’

JIHUSUA 22:30

Küyimki amükeambuh Phinehas tüsho boto limthorübo, Israel guk ching akuthsürübo api miki zhiprünü Reuben, Gad tüsho aniakhiuklim Manase trükbonü athakhi sokhea, arübo reangkeam.

JIHUSUA 24:16

Judüki mihtsürübonü alo, “Püpü thrünpuhbo tankihpü thsungkheak isanü Atungpuh mübahyuk;

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.