JIHUSUA 22:28 - AMÜSÜH HÜM CL Bible (BSI)

²⁸ Isa lümkhi ju dünjisho arübe ching tsühsoniusonü athabah, ‘ Kheahang! Atungpuh kingaün sadam kiphahde isa jipürünü she thsüa lah. Ha taka kingaünpü yungsho laksah-a kingaünpü thsungkheak yung, tüshe nüsa tüsho isa mihtsürü dükeak thiyumütsan khülang ah.’

JIHUSUA 22:28 Iomraidhean Croise

THRÜNTAN 31:48

Tüsho Labannü tha, “Khihni ha lungrhung ha ike dükeak thiyumütsan khülang ah.” Jumonü ju mung Galeed de ji.

2 KIULONG THSÜRÜ 16:10

Küyimki kiulongthsüpuh Ahaznü Tiglath-pileser shorupü Damaska ching yükhea, apinü Damaska ching lakhi kingaün sadam ngü. Kiulongthsüpuh Ahaznü kingaün sadam jakruk kikiukbah athsüpü lümkhi adüngakhinü amükeambuh Uria kilim jih-a yüshih.

ABEKHIT 25:40

Jurübo inü nüsa ki müzüng kheak huhkhi yande thsang.

ISAIA 19:19

Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

IBRI 8:5

Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.”

JIHUSUA 22:27

tüshe ha isanü she Atungpuh amüsüh kingaünpung ki taka kingaünde, laksah-a kingaünde tüsho mungtsü kingaünde laa lah de isa le nüsa tüsho dunglim tsührübo dükeak thiyumütsan lang ah. Junangde nüsa tsührübonü isa tsührübo ki, nüsa Atungpuh miki tümü shihcham müla de arübe kim ching müthashihpü thsungkheak ah.

JIHUSUA 22:29

Dükde isanü Atungpuh mazhih yungsho kingaün sadam thsübah taka kingaünde, hi kingaünde, yungsho laksah-a kingaünde khihni api dunglim yankhi chingnü mutuklo. Arüngyam müngüh lakhi Atungpuh isa Thrünpuh kingaün sadam khiode püpü kingaün sadam isanü müthsü.”

JIHUSUA 24:27

Jihusuanü mihtsürü alala ki tha, “ Kheahang, ha lungnü isa thiyumütsan thsübah; tümüde Atungpuhnü isa ki thakhi yu alala sodo; jumonü nüsa Thrünpuh kheak thiyuro mülasho hanü nüsa azhihde thiyumütsan thsübah.”