JIHUSUA 22:18 - AMÜSÜH HÜM CL Bible (BSI)

¹⁸ Kheakü nüsanü api yanpü thsungloba de? khihni nüsanü Atungpuh azhihsho, apinü shido Israel boto alala kheak bukakhiukbah.

JIHUSUA 22:18 Iomraidhean Croise

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

1 KIULONG THSÜRÜ 9:6

Nü yungsho nü tsührübonü I yankhi chingnü anguhsho, tüsho inü nü miki zojihkhi I yukhümbo le I yakzanbo manide yübah püpü thrünpuhbo tankihde arü kingaünsho,

2 KIULONG THSÜRÜ 17:21

Küyimki apinü David yamkhün chingnü Israel thokhikhea, arünü Nebat tsührü Jeroboam kiulongthsürü thsüshih. Jeroboamnü Israel Atungpuh yankhi chingnü beakhin tüsho arü neak tode yihbeakshih.

1 KIUTHSÜYUKHEAN 21:1

Arimrinü Israel azhihde wusu, tüsho Israel mihtsürü kheshihpü David ki athsung.

1 KIUTHSÜYUKHEAN 21:14

Jumonü Atungpuhnü Israel kheak tukthsü khülang yüshih; tüsho Israel ching mihtsürü 70,000 keamabah.

2 KIUTHSÜYUKHEAN 25:27

Amazianü Atungpuh kheaknü rholode atsokhi nimungnü arünü Jirusalem ching api azhihde mülapmüjide rhimo, tüsho api Lakish ching tsoabah. Tüshe arünü api dunglim mihtsürübo yüshih, tüsho ju ching api laksah.

2 KIUTHSÜYUKHEAN 34:33

Josianü Israel mihtsürübo yo lomi alala chingnü athraneanbebo lude tso, tüsho Israel ching larü alala ki Atungpuh arü Thrünpuh kingaünshih. Api nimungbo alala ching Atungpuh arü jipürü Thrünpuh yankhi chingnü rholode mutso.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 32:15

Tümüde nüsanü api dunglim müyande rholosho, kheaküshe apinü sunglo ching arü bahjihbah, tüsho nüsanü harü mihtsürü thsümünimjihbah.”

YUZÜNGTHALO 7:4

Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

JIHUSUA 22:16

tüsho Atungpuh borü alala mung chingnü arü ki tha, “Nüsanü Atungpuh azhihde kingaün sadam thsübah khihni api yankhi chingnü tuklode Atungpuh Israel Thrünpuh azhihkhi rhimo amütsü ha tümüa?

JIHUSUA 22:20

Zera tsührü Akhan nü muthrua bahkhi kukruk lukhi dünkheaknü Israel trük alala thsümüchi ngükhi yung de? Anihbuh neak dünkheaknü api lang ashekhi yung.”

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:11

Israelnü neak yihbeakdo! Inü arü ki thiyuchihchimkhi arünü thsümünimdo; arünü muthrumüneankhi kukruk khürü lua lah, tüshe ju ahüh-a, müyimde nihbuh kukruk ching yukdo.

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

1 SAMUEL 12:14

Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;

1 SAMUEL 12:20

Tüsho Samuelnü mihtsürübo ki tha, “Dütre; nüsanü ha amütsü rhimobo alala rhimodo, tütüshe Atungpuh yankhi chingnü dürholo, tüshe nüsa mulong athrünkhinü Atungpuh tankihang;