JIHUSUA 22:15 - AMÜSÜH HÜM CL Bible (BSI)

¹⁵ Arübo Reuben, Gad, tüsho aniyüzahlim Manase mihtsürübo yimde Gilead ching arü,

JIHUSUA 22:15 Iomraidhean Croise

1 KIUTHSÜYUKHEAN 21:3

Tüshe Joabnü tha, “Atungpuhnü api mihtsürü khekhi chinü alübe kamshang! I tungpuh kiulongthsüpuh, arü alala I tungpuh yamlarübo yung de? Dale küde thsah I tungpuhnü ha lunela? Tümüde apinü Israel kheak amülim hande arüpü?”

2 KIUTHSÜYUKHEAN 10:19

Jumonü khihni khiungde Israelnü David yamkhün azhihde arükheah.

2 KIUTHSÜYUKHEAN 25:27

Amazianü Atungpuh kheaknü rholode atsokhi nimungnü arünü Jirusalem ching api azhihde mülapmüjide rhimo, tüsho api Lakish ching tsoabah. Tüshe arünü api dunglim mihtsürübo yüshih, tüsho ju ching api laksah.

2 KIUTHSÜYUKHEAN 26:18

arünü kiulongthsüpuh Uzzia azhihde zhip, tüsho api ki tha, “Uzzia, Atungpuh kilim nünü kingaünpü yung, tüshe kingaün jihpü müsühkhitkhi Aron tsühsoniusobo amükeamrübo thsungkheak ah. Arüngakopung chingnü wukhiukang; tümüde nünü amülim rhimodo, tüsho Atungpuh Thrünpuh kilimnü nü kilim tümü akinashu lude marü.”

2 KIUTHSÜYUKHEAN 28:13

tüsho arü ki tha, “Nüsanü aramrü ha ching bede marübeah, tümüde kheakü isa kheak neakbo tüsho amülim lakhi kheak khiode Atungpuh azhihde isa kheak amülim hande arüpü lümlah. Tümüde isa amülim lakhi ato kamdo, tüsho Israel azhihde bukakhiukkhi amüshak lah.”

EZRA 9:15

O Atungpuh Israel Thrünpuh, nü thiyuro, tümüde isa khürü khihni rhangdung lashihlah. Kheahang, isa nü miki isa neak ching lah, jumonü shenü she nü miki müzhipkhuk.”

EZRA 9:2

Jihudarü athrürübonü khiungkerü liberü yihlu; jumonü Thrünpuh mihtsürü amüsüh müneanabah. Limberü tüsho atorübonü alübe thsüde lakmih.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

LEVI 26:40

Tüshe nüsanü nihbuh neak tüsho jipürü neak alokhisho, küpünü I kheak thiyuro mülashihkhea, tüsho I azhihkhea,

LEVI 5:19

Ha Atungpuh azhihde apinü neak yihbeakkhi dünkheak ashaklo kingaün ah.

WÜHKHE 14:43

Tümütüsho Amalekrü tüsho Kananrü nüsa müngüh lah, tüsho nüsa nukshangnü akeamshihbah; tümütüsho nüsanü Atungpuh kheaknü alode tsodo, Atungpuh nüsa lung lapü yung.”

WÜHKHE 32:15

Tümüde nüsanü api dunglim müyande rholosho, kheaküshe apinü sunglo ching arü bahjihbah, tüsho nüsanü harü mihtsürü thsümünimjihbah.”

WÜHKHE 5:6

Israelrü mihtsürübo ki thaang, Küyimki athrürü yungsho aliberünü Atungpuh azhihde neak yihbeakbanü, tüsho mihtsürü ju amülim kambanü,

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

1 KORINT 5:4

Küyimki nüsa, isa Atungpuh Jisu Khrista mung chingnü mukhungbanü, tüsho isa Atungpuh Jisu wu bebanü,

YUZÜNGTHALO 30:17

Tüshe nü mulong rholode tsobah nünü musode tsoabahsho, tüsho püpürü thrünpuhbo kingaünde tüsho tankihsho,

YUZÜNGTHALO 7:4

Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

JIHUSUA 22:12

Tüsho küyimki Israel mihtsürübonü ha sokhea, arü bede keochihpü boto alala trüngmukhungde Shilo ching arü.

JIHUSUA 22:14

Israel trük tüsho guk aban chingnü akubo dukbah mihtsürü thürü Phinehas lung yüshih.

JIHUSUA 22:16

tüsho Atungpuh borü alala mung chingnü arü ki tha, “Nüsanü Atungpuh azhihde kingaün sadam thsübah khihni api yankhi chingnü tuklode Atungpuh Israel Thrünpuh azhihkhi rhimo amütsü ha tümüa?

JIHUSUA 22:18

Kheakü nüsanü api yanpü thsungloba de? khihni nüsanü Atungpuh azhihsho, apinü shido Israel boto alala kheak bukakhiukbah.

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”