JIHUSUA 21:45 - AMÜSÜH HÜM CL Bible (BSI)

⁴⁵ Atungpuhnü Israelrü ki tangzüngkhi atsübo khülang lang she mülakphah; alala dünjido.

JIHUSUA 21:45 Iomraidhean Croise

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIULONG THSÜRÜ 8:20

Kheakü Atungpuhnü alokhikhi rhimodo; tümüde I buh David lapung ching I asürü; Atungpuhnü alokhikhi nangde Israel kiulongthsü-binkiu kheak I bin, tüsho Israel Thrünpuh, Atungpuh mung thsungkheak thüyam thsü.

1 KIULONG THSÜRÜ 8:24

nünü nü yamlarü I buh David ki thakhi tangzüng zodo; nünü nü münnü alokhi tüsho khihni nü khahnü dünjishihdo.

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

ISAIA 48:3

Adünjipü lakhi adüsonü inü müchitdo, arübo I mün chingnü wukhiuk tüsho inü arübo mükheahshih; jushu nahdü lang inü rhimo tüsho dünji.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

1 KORINT 1:9

Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

1 TESALONIKA 5:24

Shepünü nüsa jichonü thiyuro lah, tüsho apinü ju rhimobah.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.