JIHUSUA 21:1 - AMÜSÜH HÜM CL Bible (BSI)

¹ Judüki Levirü limberübonü amükeambuh Eleazar, Nun tsührü Jihusua tüsho Israel trük guk ching akuthsürübo ki yü;

JIHUSUA 21:1 Iomraidhean Croise

THRÜNTAN 49:7

Arü bukakhiukkhi muthrumünean thsang, tümüde ju amüshak ah; tüsho arü mulong zhipzhip kheak, tümüde ju bukmüke ah! Inü arü Israel lomi ching hiumüzütshihbah, tüsho mihtsürü bolung müzütshihbah. @SPACE=

ABEKHIT 6:14

Harü ha arü bebuhrü yamkhün ching akubo: Jakob tsührü adüjibuh Reuben tsührübo ju Hanok, Pallu, Hezron, tüsho Karmi; harü ha Reuben buhtsührü ah.

ABEKHIT 6:25

Aron tsührü Eleazarnü Putiel tsührü bolungnü khülang lu; tüsho alibenü api kilim Phinehas zübejih. Harü ha Levi trük gukbo tüsho buhtsühbo ching akubo lakheah.

WÜHKHE 35:1

Atungpuhnü Mosa ki Jirikho hobah Jordan yean Moab dükhün chingnü tha,

WÜHKHE 35:8

Tüsho nüsanü ajihpü lakhi kiutobo ju Israel mihtsürübo lo chingnü ajihbeah; trük ato chingnü ahihdo jihang tüsho anini chingnü nükde jihang; nihbuh yamrüplurüp lakhi thülünnü Levirü kilim kiutobo jihang.”

JIHUSUA 14:1

Harü ha amükeambuh Eleazar, Nun tsührü Jihusua tüsho Israel trük gukbo chingnü akuthsürübonü mihtsürübo kilim chama jih Kananrü lo ching Israelrünü yamrüplurüp lukhi ah.

JIHUSUA 17:4

Arübonü amükeambuh Eleazar, Nun tsührü Jihusua tüsho limberübo kilim yübah tha, “Isa she isa buhtsührübo lung yamrüplurüp lupü Atungpuhnü Mosa ki thiyukhüm jihkheah.” Jumonü Atungpuhnü thiyukhüm jihkhi nangde arü buhtsührü lung arübo kilim yamrüplurüp jih.

JIHUSUA 19:51

Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.