JIHUSUA 20:9 - AMÜSÜH HÜM CL Bible (BSI)

⁹ Harü kiutobo ha Israelrü tüsho arü lung larü khiungkerü khürü thsungkheaknü tsoyukpung mokhitkheah. Khürünü mihtsürü müranglimnü laksahsho royimrü kheaknü yübah ju ching jikpü kuklah; tüsho boto miki mah mükhapchokia royimrünü api mülaksahkhuk.

JIHUSUA 20:9 Iomraidhean Croise

WÜHKHE 35:13

Tüsho nüsanü ajihkhi kiutobo chingnü, kiuto thuruk ju tsoyukpung kiutobo thsübah.

WÜHKHE 35:15

Harü kiuto thuruk ju Israel mihtsürü, khiungkerü tüsho arü lung tsorua alarübo thsungkheak tsoyukpung kiuto thsübah, junangde khürünü müranglimnü mihtsürü laksahsho ju ching tsoyukde ayübah.

JIHUSUA 20:4

Api jurü kiutobo ching alihde ayübah tüsho kiuto chipimurung ching zhipbahle adünjikhibo limberübo ki mükheahshihbah. Jushu arünü api kiuto ching yüzahshihbah api kilim lapung jihbah, tüsho api ju ching labah.

JIHUSUA 20:6

Boto miki mah mükhapyiki tüsho ju kim ching achangbe amükeambuh müsheyi khiungde api ju ching labah. Jushu lang api alihde atsopung kiuto ching ayam lim alode ayüpü kuklah.”

JIHUSUA 20:8

Tüsho Jordan hobah, Jirikho aniakhiuklim wungdüpheak kheak sunglo ching arünü Reuben trük chingnü Bezer mokhit; Gad chingnü Gilead ching lakhi Ramoth mokhit; tüsho Manase trük chingnü Bashan ching lakhi Golan mokhit.