JIHUSUA 2:9 - AMÜSÜH HÜM CL Bible (BSI)

⁹ tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.

JIHUSUA 2:9 Iomraidhean Croise

THRÜNTAN 35:5

Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

2 SAMUEL 17:10

Judüki athrungrü thirithsürü, kekhüzü mulong nangde alarübo atrekhinü shahde niuthünakbah; tümüde nü buh ju thirithsürü tüsho api lung larübo ju thirithsürü athrungrü ah de Israel alalanü mükheahlah.

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

2 KIULONG THSÜRÜ 7:6

Tümüde Atungpuhnü Siria bonungrü ki khora-lolungbe, khorabo, tüsho bonungrü amuliuh düsheak soshih, junangde arünü khülangnü khülang ki tha, “Israel kiulongthsüpuhnü isa bede thirithsüpü Hit kiulongthsürübo tüsho Ijip kiulongthsürübo muloa lah.”

NEHEMIA 6:16

Küyimki isa riri mühirü lomibonü ha sokhea, arübo tre tüsho achihde lüm tümüde Thrünpuh arung hode rhimo akhik thsüdo de mihbüm abannü mükheah.

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

JOB HU H T ANYU 19:25

Tümüde I Rhokhitrü rhangdung lah de inü mükheahlah tüsho akheam ching api alomi kheak zhipbah;

MUNGSHIKHÜN 112:10

Mihbukmuyuknü ju ngübah tüsho mulong rozhakbah; api hü mütrütbah tüsho niuabahbah; mihbukmuyuknü akünkhi dükheakbah.

MUNGSHIKHÜN 115:16

Achangbe yinmibo Atungpuh yo ah; tüshe apinü alomi ju mihtsürü tsührübo kilim jih.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ABEKHIT 23:27

“Inü nüsa müngüh I trepü yüshihbah, nüsa yüpung mihtsürü alala bolung yingyingshihbah, tüsho nüsa riri alala rholode atsobah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

ISAIA 19:1

Ijip dünkheak müchityu. Kheahang, Atungpuh ju ashankhi amo kheak binlah tüsho Ijip lim arüchoh; Ijip sangthsübo api miki ajanbah, tüsho arü bolung Ijiprü mulong niuthünakbah.

ISAIA 23:5

Küyimki thiyusheak Ijip chingnü arüchonü, arünü Tair yusheak dünkheak thsünübah.

JEREMIA 27:5

I wu ato tüsho I khah chungkhitkhinü alomi kheak lakhi mihtsürü tüsho shiwühbo bede inü alomi thrün, tüsho inü amulongrü kilim ju jih.

NAHUM 2:10

Thsümünimdo, bahyukdo, zhikabahdo! atrekhinü mulongbo niuthünakdo; mukhukbo ajanchoh, sühmüh tsodo; mirobo pheakmulukdo kamdo!

WÜHKHE 20:14

Kheakü Mosanü yunithsürübo Kadesh chingnü Edom kiulongthsüpuh kilim yüshih, “Ha nü keoniorü Israelrünü thachoh: Isa kheak küpkhuk lakhi alala nünü mükheahlah,

WÜHKHE 20:24

“ Aron a nihbuh mihtsürü bolung yübah, tüsho inü Israel mihtsürübo kilim jihpü alokhikhi lo ching api müyüzah, nükenü Meriba ke ching I yu azhihdo.

MATHI 20:15

Inü I kukruk kheak I lümkhi rhimopü I alim yung de? Yungsho I salamo nüsanü lungkhangla de?’

YUZÜNGTHALO 11:25

Mihtsürü shenü she nüsa azhihde müzhipkhuk; apinü nüsa ki thiyuchihchimkhi nangde, nüsanü tsahyukde ayüpung lomi alala ching nüsa dünkheak phüthsaksümde tüsho trede akamshihbah.

YUZÜNGTHALO 2:25

Ha nimungnü rünbah thüning bukkhüp trükshihbo kheak nüsa dünkheaknü amüyinsahkhi tüsho atrebe yükihshihbah. Arünü nüsa dünkheak sobah trede ajanbah.

YUZÜNGTHALO 28:10

Judüki alomi ching mihtsürübonü Atungpuhnü nüsa api mihtsürü thsüpü mokhitdo de angübah, tüsho arünü nüsa trebah.

YUZÜNGTHALO 32:8

Küyimki khide Achangbuhnü trükbo kilim yamrüplurüp jihkhea, küyimki apinü mihtsürübo chammüzütkhea, apinü mihtsürü aredungbo ju Israel mihtsürü wühkhe yande khim.

IBRI 11:31

Akin hode müzammürambe Rahab mihyumanirü lung müdükheakshih, tümütüsho alibenü zütakheahrübo asühde beyuk.

JIHUSUA 2:11

Ju soakede isa khide tre, nüsa dünkheaknü isa mulong tokhi alala dükheakabahdo. Atungpuh nüsa Thrünpuh ju akube yinmi ching tüsho ha lomi kheak Thrünpuh ah.

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

JIHUSUA 2:8

Thirirhurü mahne ju müyapyichoki Rahabnü ayi lüpkhi lim wutu,

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

JIHUSUA 6:2

Atungpuhnü Jihusua ki tha, “ Kheahang kiulongthsüpuh tüsho athrungrü bonungrübo bebah, Jirikho nü khah ching jihdo.

JIHUSUA 9:10

tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi.

JIHUSUA 9:24

Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah.

JIHUSUA 9:9

Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo,

MAHKHAPRÜ 7:14

Tüsho amüyambuhnü alo, “ Ha Joash tsührü, Israel mihtsürü Gideon nukshang labah; Thrünpuhnü api khah ching Midiarü tüsho bonungrü alala jihdo.”