JIHUSUA 2:5 - AMÜSÜH HÜM CL Bible (BSI)

⁵ azhing lim chipi rihpü thsüchoki ane wukhiukdo; ane külim tsodünü inü mümükheah; nahde ane müshamang, tümüde nüsanü ayanphuhbah.”

JIHUSUA 2:5 Iomraidhean Croise

NEHEMIA 13:19

Jumonü arelim kamde Amuni tankih aban, chipiripitbo rihpü, tüsho Amuni muhoyichokia mükhimshuhpü inü thiyukhüm jih. Tüsho inü I yamlarü khürü chipiripitbo ching binshih, junangde Amunimung tümü hah she mühanyuk.

ISAIA 60:11

Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

EZEKIEL 47:12

Ayung münküp thrip abande, tsühyungpü thsungkheak sangdung aphuaphu mukhuhbah. Ayübo muyiuh yungsho asobo mayo, tüshe khinu abande aphüyak asobah, tümütüsho arü thsungkheak arüngakopung chingnü ke bukchoh. Sangasobo ju tsühyungpü thsungkheak labah, tüsho ayübo ju moli labah.”

JIHUSUA 2:4

Tüshe alibenü mihtsürü mahne jikabahshihbah tha, “Dükde, mihtsürü I kilim arükheah, tüshe küchingnü arükheanü inü mümükheah;

JIHUSUA 2:6

(Tüsho Rahabnü mihtsürü mahne ju ayi lüpkhi lim bede wutubah, anihbenü akhinashu thsüde azokhi khim keakbe sangbün khüp jikshih.)

JIHUSUA 2:7

Kiulongthsüpuh bonungrübo tsahmusu, tüsho chipi ju rihabah. Arü Israelrü thirirhurü kheahde Jordan hode ayükhi limro khiungde yü.

AMIKHEAKAKHIUKKHI 21:25

tüsho animung küyimkishe ju ripit mürih tüsho ju ching azhing müla;

1 SAMUEL 19:14

Küyimki Saulnü David rampü yunithsürübo yüshihkhea, anihbenü tha, “ Api tukthsülah.”