JIHUSUA 2:19 - AMÜSÜH HÜM CL Bible (BSI)

¹⁹ Khürükhüh nü yam ripit hobah wungdo wukhiuksho api zangrü amülim thsübah tüsho isanü ju hahmülang mühan; tüshe nü yam ching khürü yurisho ju isa hahmülang thsübah.

JIHUSUA 2:19 Iomraidhean Croise

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

2 SAMUEL 4:11

Dale tüsho thiyuro mihtsürü khülang nihbuh yam ching ayapkiu kheak mihbukmuyuk mihtsürünü laksahsho, küdükhüh she alaba! Tüsho kheakü api thiyih nüke khah chingnü mükheangba de, tüsho nüke alomi chingnü müdükheakshihba de?”

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 12:22

Tüsho nüsanü monam düchi khülang lubah müsühmüraphuru ching lakhi thiyih ching thsamang, tüsho ripit kumung le khimdopü dungjing mahne kheak rhapkihang. Tüsho nüsa sheshe ha yam ripit hode yapsu khiungde duwukhiuk.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

LEVI 20:11

Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah.

LEVI 20:9

Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.

MATHI 24:17

Shepü thüyammün kheak lanü api yam chingnü tümükhüh lupü düyüki.

YUNIRÜBO RHIMO 18:6

Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

YUNIRÜBO RHIMO 20:26

Jumonü nüsa alala thiyih dünkheak I amütsan müla de khihni inü nüsa ki khipkhitchoh,

YUNIRÜBO RHIMO 27:31

Paulnü atobuh tüsho bonungrübo ki tha, “Mihtsürü harü sangkung ching mülasho nüsa mükhümkhitkhuk.”

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

JIHUSUA 2:12

Kheakü inü nüsa ki amuzho huhkhi nangde I buhtsüh ki amuzhobah de api mung chingnü thiyuchihchimang, tüsho nüsa kheak akin lapü thsüde I kilim amütsan khürü jihang.

JIHUSUA 2:14

Anenü alibe ki tha, “Isanü athakhi nangde mürhimosho Thrünpuhnü isa rhangdung lushang! Isanü arhimokhi nünü lang she ki müthasho, küyimki Atungpuhnü ha lo isa kilim jihbanü isanü nüsa ki thiyuronü amuzho huhbah de alokhichoh.”

JIHUSUA 2:20

Tütüshe, isanü rhimode arükhi nünü khürü ki thasho, jushu a isa kheak thiyuchihchimshihkhi dünkheak isa amülim müla.”