JIHUSUA 2:14 - AMÜSÜH HÜM CL Bible (BSI)

¹⁴ Anenü alibe ki tha, “Isanü athakhi nangde mürhimosho Thrünpuhnü isa rhangdung lushang! Isanü arhimokhi nünü lang she ki müthasho, küyimki Atungpuhnü ha lo isa kilim jihbanü isanü nüsa ki thiyuronü amuzho huhbah de alokhichoh.”

JIHUSUA 2:14 Iomraidhean Croise

THRÜNTAN 24:49

Kheakü nünü I putungrü ki amuzho tüsho thiyuro huhba shi yungnü I ki thaang, jude yungsho I tsülim yungsho huzulim anguhanü.”

THRÜNTAN 47:29

Küyimki Israel ashepü kim khiungkheanü, apinü atsührü Josep ji tüsho api ki tha, “Kheakü I nü miki amuzho ngüa lasho, muzhobah I pho dükeak nü khah yukang, tüsho I ki muzhode thiyuronü rhimoang. Muzhobah Ijip ching I mi dübah,

2 SAMUEL 2:5

Davidnü yunithsürübo thiyia Jabesh-gilead mihtsürü kilim yüshih, tüsho tha, “Atungpuhnü nüsa müngühjang, tümütüsho nüsanü ha thiyuro amuzho nüsa tungpuh Saul ki huh, tüsho api kiuyuka bahdo!

2 SAMUEL 2:6

Kheakü Atungpuhnü amuzhodakkhi tüsho thiyuro nüsa ki huhshang! Tüsho inü she nüsa thsambah jihbah tümütüsho nüsanü ha rhimo.

2 SAMUEL 9:1

Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

1 KIULONG THSÜRÜ 20:39

Kiulongthsüpuh hode alachoki apinü kiulongthsüpuh ki zhi tüsho tha, “Nü yamlarü keochih phulung ching yükheah; judüki bonungrü khülangnü rholobah I kilim mihtsürü khülang bede arü tüsho I ki tha, ‘ Ha mihtsürü aheangang; api mülasho, api rhangdung dün nü rhangdung jihbah, yungsho nünü shotoyinchi 3000 jihbah.’

MÜCHITMUDU 14:22

Sherünü amütsü asahchonü lakmihchoh yung de? Tüshe sherünü atsü asahchonü amuzho tüsho mulonglam ngüchoh.

MÜCHITMUDU 18:24

Khürü müyamrü thsükhea rünmukhiung, tüshe keoniorü kheaknü alü dakkihde alakhi müyamrü khülang lah.

MATHI 5:7

Mihmüthsümrü asühpü, tümüde arü ki mihmüthsüm huhbah.

YUNIRÜBO RHIMO 23:22

Jumonü limthobuhnü athrününgtsüngbuh ki thiyu thabah tsoshih, “I ki ha thiyusheak jihkhi she ki she dütha.”

JIHUSUA 2:13

I buh tüsho I be, I khiungmungrü tüsho I chiniurübo, tüsho arü betsührübo mülaksahde akhümkhitbah de thiyuchihchimang!”

JIHUSUA 2:15

Jumonü alibenü ane ayinripit chingnü liu chingbah yükishih, tümüde alibe yam ju kiuto chipi kumung thsüa lakheah, junangde alibe chipi ching lakheah.

JIHUSUA 6:17

Kiuto tüsho ju ching lakhi kukruk lüpdükhi Atungpuh ki kingaün jihpü thsüde shahde thsümünima bahang. Müzammürambe Rahab tüsho ayamkhün lang aningshihbah, tümüde anihbenü isa yo thirirhurü jikshih.

JIHUSUA 6:22

Jihusuanü thirirhurü mahne ki tha, “Nükenü alibe ki thiyuchihchimkhi nangde müzammürambe yam ching yüang tüsho anihbe lung betsührü alala bekhitang.”

JIHUSUA 6:25

Tüshe Jihusuanü müzammürambe Rahab tüsho anihbe betsührübo khümkhit, tümüde anihbenü Jirikho lim yüshihkhi thirirhurü mahne jikshih. (Anihbe tsühsoniusobo khihni khiungde Israel ching lachoh.)

1 SAMUEL 20:8

Jumonü nü yamlarü ki muzhode rhimoang, tümüde nünü nü yamlarü amüsüh tangzüngkhi ching nü lung bedarüdo. Tüshe I kheak amülim lasho, nünü I laksahang; tümü thsüpü nünü I nü buh ki bede ayüpü?”