JIHUSUA 2:12 - AMÜSÜH HÜM CL Bible (BSI)

¹² Kheakü inü nüsa ki amuzho huhkhi nangde I buhtsüh ki amuzhobah de api mung chingnü thiyuchihchimang, tüsho nüsa kheak akin lapü thsüde I kilim amütsan khürü jihang.

JIHUSUA 2:12 Iomraidhean Croise

THRÜNTAN 21:23

Jumonü kheakü, I le I tsührü yungsho I tsühsoniusobo kheak mülimde mürhimopü I ki thiyuchihchimang. Nü hanrü thsüde alakhi lo ching inü nü ki huhkhi nangde I tüsho alomi ki amuzho huhang.”

THRÜNTAN 24:3

junangde I lakhi bolung Kananberü lungnü nünü I tsührü niube mulushihpü Atungpuh , yinmi tüsho alomi Thrünpuh tamde thiyuchihchimshihbah;

THRÜNTAN 24:9

Jumonü yamlabuhnü api khah anihbuh putungrü Abraham pho dükeak zo, tüsho ha dünkheak thiyuchihchim thsü.

THRÜNTAN 40:14

Tüshe nü tsüde alachoki I lümkhitang, tüsho I ki amuzho huhang; I dünkheak Pharao ki thaang, tüsho ha yam chingnü I bekhitang.

2 KIUTHSÜYUKHEAN 36:13

Apinü Thrünpuh mung ching anihbuh ki thiyuchihchimshihkhi kiulongthsüpuh Nebukednezar kheak she azhih, apinü anihbuh hung chungthülang tüsho Atungpuh Israel Thrünpuh kilim rholopü api mulong müküpde kam.

ESTER 8:6

I mihtsürübo kheak thsümütsü arükhi tüsho I trük laksahsho inü küde arümkhukpü?”

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

MARK 14:44

Kheakü api yinatsühbuhnü arü kilim amütsan khülang jihde tha, “Shepü inü müthsüpbanü api ah; api ramang tüsho aheangde bebah tsoang.”

ROMRÜ KILIM PAULNÜ ATHRÜTKHI KIHÜM HUHTANYU 1:31

makhakhi, akin mülakhi, mulong müzahkhi, mihmukhiuhnü mide kam.

1 TIMOTHI 5:8

Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JIHUSUA 2:13

I buh tüsho I be, I khiungmungrü tüsho I chiniurübo, tüsho arü betsührübo mülaksahde akhümkhitbah de thiyuchihchimang!”

JIHUSUA 2:18

Nünü ha rhimoang, küyimki isanü nüsa lo yankhia lubanü, ike akishihkhi liu amürüm ayinripit kheak chinga zoang. Nü buh tüsho nü be, nü khiungmungrübo tüsho nü buh yamkhün ching larü nü yam ching bemukhungang.

JIHUSUA 2:19

Khürükhüh nü yam ripit hobah wungdo wukhiuksho api zangrü amülim thsübah tüsho isanü ju hahmülang mühan; tüshe nü yam ching khürü yurisho ju isa hahmülang thsübah.

JIHUSUA 6:22

Jihusuanü thirirhurü mahne ki tha, “Nükenü alibe ki thiyuchihchimkhi nangde müzammürambe yam ching yüang tüsho anihbe lung betsührü alala bekhitang.”

JIHUSUA 9:15

Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.

MAHKHAPRÜ 1:24

Küyimki kiuto chingnü mihtsürü khülang akhiukde thirirhurübonü angükhea, arünü api ki tha, “ Kiuto ching yüzahpü limro isa ki huhang, tüsho isanü nü ki muzhode arhimobah.”

1 SAMUEL 30:15

Davidnü api ki tha, “Nünü ha thiriribo lung bede yükinahnü?” Apinü tha, “Nünü I mülaksah, yungsho I putungrü khah ching muyukjih de Thrünpuh tamde thiyuchihchimang, tüsho inü arü kilim nü bede ayükibah.”