JIHUSUA 18:12 - AMÜSÜH HÜM CL Bible (BSI)

¹² Dukulim arü lo aredung ju Jordan kheaknü tankihlah; aredung ju dukulim Jirikho lo düpheak thrip yü tüsho aniyüzahlim awung lomi hode Beth Aven khiunglah.

JIHUSUA 18:12 Iomraidhean Croise

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

JIHUSUA 16:1

Josep tsührübo kilim jihkhi ju Jirikho aniakhiuklim kenü phüni Jordan chingnü sunglo khiunglah, tüsho ju chingnü wutu awung lomi Bethel khiunglah;

JIHUSUA 18:11

Benjaminrü kilim guk ayannü ajihkhi lo ju Juda tüsho Josep trük dükeak lakheah.

JIHUSUA 2:1

Jihusuanü thirirhurü mahne Kanan tüsho adungto thsüde Jirikho lomi ramde rhua kheahshihpü Shittim chingnü thiyukhüm jihbah yüshih. Anenü yü tüsho ju tsüngre müzammürambe Rahab yam ching bin.

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 6:1

Kheakü Israelrü tremonü Jirikho kiuto ju tsüde rih. Shenü she ayüzahpü yungsho awukhiukpü mukukdebah.

JIHUSUA 7:2

Jihusuanü mihtsürü khürü aniakhiuklim Beth-aven phünide alakhi Ai lim Jirikho chingnü yüshihde tha, “Wutuang tüsho lomi züta kheahang.” Tüsho mihtsürübonü yübah Ai züta kheah.

JIHUSUA 8:15

Jihusua le amihtsürübonü rük thsüde arü müngüh sunglo limpeang tsoa huh.

1 SAMUEL 13:5

Filistiarünü Israel kheak keochihpü thsüde khora-lolungbe 30,000, khoraberü 6000 tüsho thirithsürü mih hihde keyean loyi nangde trüngmukhung; arünü atu tüsho Beth-aven aniakhiuklim Mikmash ching bin.