JIHUSUA 18:10 - AMÜSÜH HÜM CL Bible (BSI)

¹⁰ Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.

JIHUSUA 18:10 Iomraidhean Croise

1 KIUTHSÜYUKHEAN 24:5

Arünü azan thsüde arübo alala rukhühnü chamnak, tümüde ju ching arüngyam atorübo tüsho Thrünpuh yo atorübo Eleazar tüsho Ithamar tsührübo ane chido bolung ching lakheah.

NEHEMIA 11:1

Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

MUNGSHIKHÜN 47:4

Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

MUNGSHIKHÜN 61:5

Tümüde nünü I thiyuchihchimkhi so, O Thrünpuh, nünü nü mung trerü yamrüplurüp I kilim jih.

MÜCHITMUDU 18:18

Sühmüh lakhi mihtsürü mahne mahkhappung ching azhihachihsho, azan thsükhinü neamneamruru mülüpü kuklah.

JEREMIA 7:12

Kheakü Shilo ching lakhi I lapung ching yüang, küpü ching akhuhde I mung lakhea, ju ching I mihtsürü Israel mihbukmuyuk thsungkheak tümü rhimoa lanü kheahang.

EZEKIEL 47:22

Nünü ha nüsa thsungkheak tüsho nüsa lung larü khiungkerü nüsa bolung tsührü larü thsungkheak yamrüplurüp khülang nangde chama jihbah. Arünü nü lung Israel mihkhung nangde alabah, nü lung arübo kilim Israel trük bolung yamrüplurüp jihbah.

EZEKIEL 48:29

Ha nünü Israel trük bolung yamrüplurüp nangde chama jihpü lomi ah, tüsho harü ha arü shihchambo lah, Atungpuh Thrünpuhnü thachoh.

MIKA 2:5

Jumonü Atungpuh borü bolung ching alo chamnaka lupü nüsa she mülade alabah.

WÜHKHE 34:16

Tüsho Atungpuhnü Mosa ki tha,

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

YUNIRÜBO RHIMO 13:19

Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

JIHUSUA 14:2

Atungpuhnü Mosa ki thiyukhüm jihkhi nangde trük tuku tüsho aniyüzahlim trük chamnakkhüh kilim a azan thsübah yamrüplurüp jih.

JIHUSUA 14:5

Atungpuhnü Mosa ki thiyukhüm jihkhi nangde Israelrünü alo ju chamnaka lu.

JIHUSUA 18:11

Benjaminrü kilim guk ayannü ajihkhi lo ju Juda tüsho Josep trük dükeak lakheah.

JIHUSUA 18:6

Lomi shihcham thüne chamkhi ju thrütbahle I kilim lubah arang, tüsho inü nüsa thsungkheak Atungpuh isa Thrünpuh ki keode azan thsübah.

JIHUSUA 18:8

Jumonü mihtsürübonü tsahmusude arü; tüsho lomi thrüta lupü yürü ki Jihusuanü tha, “Lomi alala ching yüang tüsho thrüta lubah I kilim alode arang, tüsho ha Shilo ching nüsa thsungkheaknü A TUN GPU H ki azan thsüde akeokhibah.”

JIHUSUA 18:9

Jumonü mihtsürübonü lomi alala ching yü tüsho kiuto shihcham thüne chamkhi ju arünü hüm ching thrüt; tüsho arübo Jihusua kilim Shilo ching alode arü.

JIHUSUA 19:51

Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.

JIHUSUA 23:4

Kheakü aninga lakhi lobo tüsho inü ayankhikhi lobo nüsa trükbo kilim yamrüplurüp jihdo, ju Jordan yung chingnü aniyüzahlim Mediterranean Keto khiunglah.