JIHUSUA 18:1 - AMÜSÜH HÜM CL Bible (BSI)

¹ Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.

JIHUSUA 18:1 Iomraidhean Croise

2 SAMUEL 7:6

Inü Israel mihtsürü Ijip chingnü bekhitkinü khihni khiungde I thüyam ching mülaakheah, tüshe I a khimyam tüsho arüngkhimyam ching lang yüla arüla de alakheah.

1 KIULONG THSÜRÜ 14:2

Jeroboamnü aniube ki tha, “Yüang, nü jak müthriang, junangde arünü nü Jeroboam niube ah de mümükheah, tüsho Shilo ching yüang; tümütüsho I ha mihtsürü kurungkheak kiulongthsürü thsübah de athabuh wukihrü Ahija ju ching lah.

1 KIULONG THSÜRÜ 14:4

Jeroboam niubenü jude rhimo; alibenü tsahmusubah Shilo lim yü, tüsho Ahija yam lim arü. Kheakü Ahijanü mükheahkhuk, tümüde api kam hihmonü amük thrimthrimde alakheah.

1 KIULONG THSÜRÜ 2:27

Jumonü Solomonnü Abiathar ju Atungpuh amükeamrü chingnü yana tsoshih, junü Atungpuhnü Shilo ching Eli yamkhün dünkheak thakhi yu dünjishih.

NEHEMIA 9:24

Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

MUNGSHIKHÜN 78:60

junangde apinü Shilo ching arüngkhimyam, arü bolung zokhi khimyam bahyuk,

MUNGSHIKHÜN 78:66

Tüsho apinü ariribo yanloa tsoshih; apinü arü akheam müla achih ngüshih.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 41:5

Shekem le Shilo tüsho Samaria chingnü mihtsürü 80 arü mükhühnam hüt tüsho khimmihbo rukrüp, tüsho arü pangbo tsüthünakbah, hi kingaün tüsho rhümthüneabe Atungpuh arüngyam ching jihpü lubah arü.

WÜHKHE 32:22

tüsho Atungpuh miki alo ju yankhisho, jushu nüsabo nihbuh yam lim alode arübah Atungpuh tüsho Israelrü miki alim thsübah; tüsho Atungpuh miki ha nüsa lapung lo thsübah.

YUNIRÜBO RHIMO 7:45

Isa jipürünü arüngkhimyam leangkhia lubah Thrünpuhnü arü müngüh yankhita bahkhi trükshih lomi luchoki Jihusua lungnü hanbah yü. Tüsho ju ching David kim khiungde la.

JIHUSUA 18:2

Judüki Israel trük thüne yamrüplurüp müngüyide alakheah.

JIHUSUA 18:8

Jumonü mihtsürübonü tsahmusude arü; tüsho lomi thrüta lupü yürü ki Jihusuanü tha, “Lomi alala ching yüang tüsho thrüta lubah I kilim alode arang, tüsho ha Shilo ching nüsa thsungkheaknü A TUN GPU H ki azan thsüde akeokhibah.”

JIHUSUA 19:51

Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.

JIHUSUA 21:2

Kanan lomi Shilo ching arünü arübo ki tha, “Isa lapung kiutobo, tüsho shiwüh akampü kimtsüh jihshihpü Mosa hode Atungpuhnü thiyukhüm jihdo.”

JIHUSUA 22:12

Tüsho küyimki Israel mihtsürübonü ha sokhea, arü bede keochihpü boto alala trüngmukhungde Shilo ching arü.

JIHUSUA 22:19

Jumonü nüsa yamalo amüsüh mülasho, kingaünpung lakhi A TUN GPU H lo ching arübah isa lung laang; tüshe kingaün sadam püpü thsüde Atungpuh isa Thrünpuh dazhih yungsho isa dazhih.

JIHUSUA 22:9

Jumonü Reuben, Gad, tüsho aniakhiuklim Manase trükbonü Israelrübo Kanan lomi, Shilo ching zojihbahle Atungpuhnü Mosa ki thiyukhüm jihkhi nangde arü yamalo Gilead yimde wulung.

MAHKHAPRÜ 18:31

Thrünpuh yam Shilo ching lakhi kim amuyung, Mikanü athsükhi sangthsü mutukzhakde zo.

MAHKHAPRÜ 21:12

Junangde arünü Jabesh-gilead ching larü atsangkhit anünürü athrürü lung munungrü 400 yimkhit; tüsho arübo Kanan lomi ching lakhi Shilo binkheampung ching bedarü.

MAHKHAPRÜ 21:19

Judüki arünü tha, “Bethel dukulim, Bethel chingnü Shekem wutu lim limto aniakhiuklim, tüsho Lebbona düjinglim Shilo ching kam aban Atungpuh thünio khülang lachoh.”

1 SAMUEL 1:24

Küyimki anihbenü api tsühyungshihde akamkhea, anihbe lung api bebah wutu, ju lung kam mahsam bankhi moshipung 1, ayikangkang khahngak 10 tüsho yukhu mide azahkhi shihküp qiuqiu 1. Anihbenü api ju Atungpuh yam lim Shilo ching bebah arü; tüsho khungarü ju ngangade alakheah.

1 SAMUEL 1:3

Ha buh mihtsürünü Shilo ching Wuto Atungpuh ki laksah-a kingaünpü api kiuto chingnü kam abande wutu, ju ching Eli tsührü 2, Hophni tüsho Phinehas ane Atungpuh amükeamrübo lakheah.