JIHUSUA 17:14 - AMÜSÜH HÜM CL Bible (BSI)

¹⁴ Josep trüknü Jihusua ki tha, “ Tümüde nünü isa kilim alo shihchamkhüh lang ajihkhea le? Tümütüsho Atungpuhnü müngühjihkhi hode isa hihdakde lah.”

JIHUSUA 17:14 Iomraidhean Croise

THRÜNTAN 48:19

Tüshe abuhnü reanglo tüsho tha, “Inü mükheahlah, I tsah-a, inü mükheahlah. Api she mihtsürü khülang kambah, tüsho api ato kambah; tüshe tsükjide akheambuh ha api kheaknü atobe labah, tüsho api tsühsoniusobo ju ahihdakkhi trükshihbo kambah.”

THRÜNTAN 48:20

Jumonü apinü ju nimung ane müngühjihde tha, “Nüke hode Israel müngühjihde athabah, ‘Ephraim tüsho Manase nangde Thrünpuhnü nüsa kamshang!’ ” Hanangde apinü Ephraim ju Manase müngüh kamshih.

THRÜNTAN 48:22

Tüsho Amorrü khah chingnü I nukshang tüsho I sanglühnü ayankhikhi awung düpheak khülang nü keoniorübo kheaknü büthsüde nü kilim jihchoh.”

EZEKIEL 48:5

Aniakhiuklimnü aniyüzahlim khiungde, Manase lomi arede, Ephraim shihcham khülang.

WÜHKHE 13:7

Issakar trük chingnü, Josep tsührü Igal;

WÜHKHE 26:54

Boto ato kilim yamrüplurüp ato jihang, tüsho boto anini kilim aninibe jihang; wühkhekhi ching thrütyukkhi yande mihtsürü abannü nihbuh yamrüplurüp leangkhishang.

WÜHKHE 36:12

Arübo Josep tsührü Manase trük yamkhün ching rhangkheah, tüsho arü yamrüplurüp ju nihbe bebuhrü trük ching lang la.

JIHUSUA 16:4

Josep tsührübo Ephraim tüsho Manaserübonü arü yamrüplurüp lo leangkhi.

JIHUSUA 17:15

Jihusuanü alo, “Nüsa khide hihdaklasho tüsho Ephraim awung lominü mathsangsho, Periz tüsho Rephaim lo ching yübah nüsa lo thsüpü murung kimang.”