JIHUSUA 17:11 - AMÜSÜH HÜM CL Bible (BSI)

¹¹ Issakar tüsho Asher ching Manase yo ju Beth-shan tüsho ju kiulongbo, Ibleam tüsho ju kiulongbo, Dor ching larü tüsho ju kiulongbo, awung lomi mahsam–Endor ching larü tüsho ju kiulongbo, Taanak ching larü tüsho ju kiulongbo, tüsho Megiddo ching larü tüsho ju kiulongbo.

JIHUSUA 17:11 Iomraidhean Croise

2 SAMUEL 21:12

Davidnü yü tüsho Saul le atsührü Jonathan robo Jabesh-gilead mihtsürü kheaknü lu. Arünü arübo ju Filistiarünü Gilboa wung kheak Saul laksah nimung Filistiarünü azhinpung Beth-shan kiudunglimrobo chingnü ahüh-a lubah atsokheah.

1 KIULONG THSÜRÜ 9:15

Tüsho kiulongthsüpuhnü thsungkih-a rhimoshihpü thrütde mokhitkhi amütsan ju ha: Atungpuh yam thsüpü, api yam, alo mujung duhlopü, Jirusalem rhü, Hazor, Megiddo, tüsho Gezer.

2 KIULONG THSÜRÜ 9:27

Küyimki Juda kiulongthsüpuh Ahazianü ha ngükhea, apinü Beth-haggan lim alihde tso. Jehunü api müshamde tha, “Api she kipang!” Tüsho arünü api Ibleam ching, Gur wutu lim khora-lolungbe chingnü kip. Jushu api Megiddo lim alihde yü tüsho ju ching sheabah.

1 KIUTHSÜYUKHEAN 6:70

tüsho Manase trük chamkhüh chingnü arü rimlopungbo bede Aner, tüsho Bileam, aningkhi Kohath gukbo khilim zojih.

1 KIUTHSÜYUKHEAN 7:29

kheaküshe Manaserü aredung yean, Beth-shan tüsho kiutobo, Taanak tüsho kiutobo, Megiddo tüsho kiutobo, Dor tüsho kiutobo. Harü ching Jakob tsührü Josep tsührübo lakheah.

2 KIUTHSÜYUKHEAN 35:22

Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

ZEKARIA 12:11

Ju nimung Jirusalem ching tüzhokhi ju Megiddo dükhün ching Hadad-rimmon thsungkheak tüzhokhi ruk tode alabah.

JIHUSUA 11:2

tüsho dukulim awung lomi, Kinnereth düjinglim Araba lokeamlo tüsho Dor phünide aniyüzahlim yüshih.

JIHUSUA 12:21

Taanak, Megiddo,

JIHUSUA 12:23

Dor (Naphathdor ching), Goiim (Galilee ching),

JIHUSUA 16:9

ju Manaserü kilim jihkhi yamrüplurüp chingnü kiutobo tüsho kiulongbo bede Ephraim kilim chamkhita jihkheah.

JIHUSUA 17:10

Düjinglim Ephraim, tüsho dukulim Manase, Mediterranean keto ju ane dükeak aredung ah. Dukulim Asher tüsho aniakhiuklim Issakar khiunglah.

JIHUSUA 17:16

Arünü alo, “ Awung lominü isa musuhdah, tüsho adükhün ching larü Kananrü Beth-shan tüsho ju mühi kiulongbo le Jezreel jindükhün ane chido ching larübo yinchi lolungbe lah.”

MAHKHAPRÜ 1:27

Manaserünü Beth-shan ching larü tüsho kiulongbo yungsho Taanak tüsho ju kiulongbo, yungsho Dor ching larü tüsho ju kiulongbo, yungsho Megiddo ching larü tüsho ju kiulongbo ching larü müyankhit; tüshe Kananrünü mutuklode ju ching la.

MAHKHAPRÜ 5:19

Kiulongthsürübo arübah keochih; Kanan kiulongthsürübonü Megiddo keyean Taanak ching keochih tüshe arünü ayankhikhi kukruk, shotoyinchi tümü mulu.

1 SAMUEL 28:7

Judüki Saulnü api yamlarübo ki tha, “I thsungkheaknü aliberü mesherü khülang yimkhitjang, junangde inü alibe ki yübah keokhianü.” Api yamlarübonü tha, “Endor ching mesherü khülang lah.”

1 SAMUEL 31:10

Arünü api thsühnuk Astar arüngyam ching yuka zo; tüsho arünü apang ju Beth-shan rhü kheak rhükkih-a zo.

1 SAMUEL 31:12

athrungrü alala tsahmusubah tsüngreroro tsah, tüsho Saul pang le atsührübo pang Beth-shan rhü kheaknü lu. Arünü Jabesh ching arübah ju ching takabah.