JIHUSUA 15:13 - AMÜSÜH HÜM CL Bible (BSI)

¹³ Atungpuhnü Jihusua kilim thiyukhüm jihkhi nangde apinü Jephunne tsührü Kaleb kilim Juda mihtsürü bolung jihkhi shihcham ju Kiriath-arba, ju Hebron (Arba ju Anak abuh lakheah).

JIHUSUA 15:13 Iomraidhean Croise

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 23:2

Sara Kanan lomi Kiriath-arba (ju Hebron) ching sheabah, tüsho Abrahamnü Sara thsungkheak tüzhopü tüsho mitrippü yü.

2 SAMUEL 2:1

Ju dunglim Davidnü Atungpuh ki keokhi, “I Juda kiuto khürü ching wutuba shi?” Atungpuhnü api ki alo, “Wutuang.” Davidnü tha, “I küpü ching wutuba?” Apinü tha, “Hebron lim.”

1 KIUTHSÜYUKHEAN 6:56

kiuto lubo tüsho ju kiulongbo a arünü Jephunne tsührü Kaleb kilim jih.

2 KIUTHSÜYUKHEAN 11:10

Zora, Aijalon, tüsho Hebron, harü ha Juda tüsho Benjamin ching chipi ayünkhi kiutobo lakheah.

WÜHKHE 13:30

Kalebnü mihtsürübo düsheak makhiukshihde yankhiabah tüsho Mosa ki tha, “ Isa khülang ki wutubah alo ju luanü tümüde isanü ju ayankhikhukbah.”

WÜHKHE 13:6

Juda trük chingnü, Jephunne tsührü Kaleb;

JIHUSUA 11:21

Judüki Jihusuanü yübahle atoshang mihtsürü Anakim de ajikhi trük awung lomi ching larü Hebron, Debir, Anab, tüsho Juda le Israel awung lomi ching larübo laksahkham; Jihusuanü arübo laksahkham tüsho arü kiutobo thsümünimjih.

JIHUSUA 20:7

Jumonü arünü Naphtali awung lomi ching Galilee ching lakhi Kadesh mokhit; Ephraim awung lomi ching Shekem mokhit; tüsho Juda awung lomi ching Kiriath-arba (ju Hebron) mokhit.

JIHUSUA 21:11

Arü kilim Juda awung lomi ching lakhi Kiriath-arba (Arba ju Anak abuh), ju Hebron, ju mühi rimlopungbo bede jih.

MAHKHAPRÜ 1:10

Tüsho Judarünü Kananrübo Hebron (atankih mung Kiriath-arba de ji) ching larübo azhihde yü. Tüsho arünü Sheshai, Ahiman tüsho Talmai laksah.

MAHKHAPRÜ 1:20

Tüsho Mosanü athakhi nangde arünü Kaleb kilim Hebron jih; tüsho apinü ha chingnü Anak tsührü mahsam yankhitabah.

1 SAMUEL 25:3

Kheakü mihtsürü mung ju Nabal, tüsho aniube Abigail lakheah. Alibe ju rükri larü tüsho akheahakham lakheah, tüshe aniubuh a bukmükerü tüsho khükhürararü Kalebrü lakheah.

1 SAMUEL 30:14

Isanü Kereth ching Negeb tüsho Judarü lo le Kaleb guk lomi kheak keochihdo; tüsho isanü Ziklag takkheamabahdo.”

1 SAMUEL 30:31

Hebron ching, David tüsho api mihtsürübo rümkhi dangpungbo alala ching lakheah.