JIHUSUA 14:6 - AMÜSÜH HÜM CL Bible (BSI)

⁶ Judüki mihtsürü khürü Juda trük chingnü Gilgal ching Jihusua kilim arü; tüsho Kenizrü Jephunne tsührü Kalebnü api ki tha, “ Kadesh-barnea ching Atungpuhnü I tüsho nü dünkheak Thrünpuh mihtsürü, Mosa ki tümü thakheanü nünü mükheahlah.

JIHUSUA 14:6 Iomraidhean Croise

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 13:14

Apinü Thrünpuh mihtsürü dunglim yü, tüsho api thülamdung khüp bina ngü. Apinü anihbuh ki tha, “Nü Juda chingnü arükhi Thrünpuh mihtsürü a de?” Apinü alo, “I ah.”

2 KIULONG THSÜRÜ 4:16

Apinü tha, “Ha akheahmünchi arübe kam ching, nünü tsührü athrürü khülang kapbah.” Alibenü alo, “Yung, I tungpuh, O Thrünpuh mihtsürü; nü yamlarü rük daki.”

2 KIULONG THSÜRÜ 4:42

Mihtsürü khülang akhuh asokhi sangasobo lubah Baal-shalisha chingnü Thrünpuh mihtsürü kilim arü: barli yikhap 20 tüsho anihbuh shungliu qiuqiu ching aso yimlukhi hi ye. Elishanü tha, “Ju mihtsürübo kilim jihang tüsho arübo tsühshang.”

2 KIULONG THSÜRÜ 4:9

Alibenü aniubuh ki tha, “ Kheahang, ha mihtsürü mutuklode isa limro hode alabuh ha dükde Thrünpuh mihtsürü amüsüh ah.

2 KIULONG THSÜRÜ 8:11

Apinü amük müzhingbah anihbuh achih müngüyi khiungde api kheak kheahkih. Judüki Thrünpuh mihtsürünü trip.

2 KIULONG THSÜRÜ 8:7

Siria kiulongthsüpuh Ben-hadad tukthsüde alachoki Elishanü Damaska lim yü. Küyimki api ki, “Thrünpuh mihtsürü ha ching arüa lah” de athakhea,

1 KIUTHSÜYUKHEAN 23:14

tüshe Thrünpuh mihtsürü Mosa thsungkheak a, api tsührübo ju Levi trük lung kheyuk.

MUNGSHIKHÜN 90:1

Atungpuh , lünbo alala ching nü isa lapung lakheah.

JEREMIA 35:4

Inü arübo Atungpuh yam ching, Thrünpuh mihtsürü Igdalia tsührü Hanan tsührübo khiungshak ching bedarü. Ha ripit neakbuh Shallum tsührü Maaseia khiungshak kumung atorübo khiungshak phünide lakheah.

WÜHKHE 13:26

tüsho arübo Mosa le Aron tüsho Israelrü boto kilim Paran sunglo Kadesh ching arü; arünü thiyusheak hanbah ane le boto ki arü, tüsho ju lomi ching yo sangaso huh.

WÜHKHE 13:30

Kalebnü mihtsürübo düsheak makhiukshihde yankhiabah tüsho Mosa ki tha, “ Isa khülang ki wutubah alo ju luanü tümüde isanü ju ayankhikhukbah.”

WÜHKHE 13:6

Juda trük chingnü, Jephunne tsührü Kaleb;

WÜHKHE 14:24

Tüshe I yamlarü Kaleb kheak me büthsüde alakhi hode mulong jihde I yan, api yükhi lo lim inü api bedarübah tüsho atsührü-tsührübonü ju yamrüplurüp lubah.

WÜHKHE 14:30

Jephunne tsührü Kaleb tüsho Nun tsührü Jihusua ane kheak hode, nüsa sheshe inü alokhikhi lo ching müyüzah.

WÜHKHE 14:6

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp,

WÜHKHE 26:65

Tümüde Atungpuhnü arü dünkheaknü tha, “ Tsükjide arübo sunglo ching shebah.” Jumonü Jephunne tsührü Kaleb tüsho Nun tsührü Jihusua kheak hode mihtsürü sheshe maning.

WÜHKHE 32:12

Kenizrü Jephunne tsührü Kaleb, tüsho Nun tsührü Jihusua anenü lang mulong athrünkhinü Atungpuh yu anido.’

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

YUZÜNGTHALO 34:10

Tüshe Jushu a Israel ching Atungpuhnü mironü miro mükheahkhi Mosa nangde wukihrü masürü,

YUZÜNGTHALO 34:5

Jumonü Atungpuh yukhüm nangde, Atungpuh yamlarü Mosa ju Moab lomi ching she.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

JIHUSUA 10:43

Jushu a Jihusua tüsho api lung Israelrü athrünkhi Gilgal binkheampung ching alodarü.

JIHUSUA 14:14

Jumonü khihni khiungde Hebron ju Kenizrü Jephunne tsührü Kaleb tsühsoniusobo yamrüplurüp ah, tümütüsho api mulong athrünkhinü Atungpuh Israel Thrünpuh yan.

JIHUSUA 15:17

Kaleb akhiung Kenaz tsührü Othnielnü kiuto ju yankhit, jumonü atsührü Aksa api ki rhangshih.

JIHUSUA 4:19

Mihtsürübo akhuhbe khinu thürü nipü Jordan chingnü akhiuk tüsho Jirikho aniakhiuklim, Gilgal ching binkheampü khimyam thsü.