JIHUSUA 13:13 - AMÜSÜH HÜM CL Bible (BSI)

¹³ Tütüshe, Israelrünü Geshur tüsho Maaka mihtsürübo müyankhit; arü khihni khiungde Israel ching lah.

JIHUSUA 13:13 Iomraidhean Croise

THRÜNTAN 35:22

Tüsho küyimki ju lomi ching Israel lakheanü, Reubennü abuh hanniube Bilha kilim yü tüsho müyam; tüsho ju dünkheak Israelnü so. Jakob tsührü 12 lakheah:

2 SAMUEL 10:6

Küyimki Amonrünü arübo David riri kamdo de amükheahkhitkhea, Amonrünü thiyia yüshih tüsho Beth-rehob tüsho Zoba ching Siriarü, jingtsahrü bonungrü 20,000, tüsho Maaka kiulongthsüpuh mihtsürü 1000, tüsho Tob mihtsürübo 12,000 muloa bebah arü.

2 SAMUEL 3:3

mahnepü ju Karmelrü Nabal niube Abigailnü Kileab zübejih; asampü, Geshur kiulongthsüpuh Tamai tsührü Makanü Absalom zübejih;

WÜHKHE 33:55

Tüshe nüsanü ju lo ching larü yankhita mübahsho, nüsanü aninga zorübo junü nüsa mük alühde alabah tüsho nüsa rheang ki ayang thsübah; tüsho nüsa lakhi lomi ching arünü nüsa küpkhuk jihbah.

YUZÜNGTHALO 3:14

Manaserü Jairnü Argob kewung ju Bashan, Geshur aredung tüsho Makathrü khiungde lu, tüsho kiulongbo ju api mung yande Havvoth-jair de ji, ju khihni khiungde lah.)

JIHUSUA 12:5

Apinü yakzan shuhkhi püpürü lomibo ju Hermon wung, Saleka, Bashan lo Geshur le Maaka, Gilead chamnakkhüh, tüsho Heshbon kiulongthsühpuh Sihon aredung khiunglah.

JIHUSUA 13:11

Ju chingnü Gilead, Geshur tüsho Maaka lomi Hermon wung alala, tüsho Bashan chingnü Saleka khiung;

JIHUSUA 13:12

Bashan ching Og kiulongthsü alala, shepünü Ashtaroth tüsho Edrei ching kiulongthsükhea (api Rephaimrü bolung ashukheamde rhangdung lakheah); Mosa nü harü mihtsürübo kukde yankhitabah.

JIHUSUA 13:14

Mosanü Levi trük kilim alo müjih; Atungpuhnü Mosa ki thakhi nangde, arü a kingaünpung kheak Atungpuh Israel Thrünpuh ki taka kingaünpü ju arü yamrüplurüp ah.

1 SAMUEL 27:8

Kheakü David tüsho api mihtsürübo wutubah Geshurrü, Girzrü tüsho Amalekrü bede keochihpü thsakham; tümüde harübo ha Telam chingnü Shur tüsho Ijip lomi limro lo ching larübo ah.