JIHUSUA 12:6 - AMÜSÜH HÜM CL Bible (BSI)

⁶ Ha kiulongthsürü mahne ju Mosa le Israelrünü akukkheah. Atungpuh yamlarü Mosanü arü lo Reuben le Gad trükbo tüsho Manase trük chamnakkhüh kilim arü lo thsüshihpü jih.

JIHUSUA 12:6 Iomraidhean Croise

1 KIULONG THSÜRÜ 4:19

Uri tsührü Geber, Amorrü kiulongthsüpuh Sihon tüsho Bashan kiulongthsüpuh Og lomi, Gilead lo ching; tüsho api ju lang lomi ching kovünor lakheah.

WÜHKHE 32:29

Tüsho Mosanü arü ki tha, “ Gad tüsho Reuben tsührübonü nüsa lung Jordan hode, keochihrü Atungpuh miki yübahle nüsa müngüh alo yankhisho, nüsanü arü kilim arü lapung lo thsüshihpü Gilead lomi jihang.

WÜHKHE 32:32

Isanü Atungpuh miki tsungthsüh thsakhambah Kanan lo ching yübah, tüshe yamrüplurüp a ha Jordan thrippeang labah.”

WÜHKHE 32:33

Jumonü Mosanü Gad le Reuben tsührübo, tüsho Josep tsührü Manase trük chamkhüh kilim, Amor kiulongthsüpuh Sihon kiulongthsü, Bashan kiulongthsüpuh Og kiulongthsü, alo tüsho kiutobo, tüsho ju mühi lomi ching lakhi kiutobo jih.

JIHUSUA 14:3

Tümütüsho Mosanü trük mahne tüsho Jordan hobah trük chamnakkhüh kilim a yamrüplurüp jih; tüshe Levirü kilim a apinü yamrüplurüp müjih.

JIHUSUA 18:7

Tütüshe nüsa bolungnü Levirü kilim a yamrüplurüp müjih. Tümüde arü yamrüplurüp ju amükeamrü thsüde Atungpuh tankihpü ah; tüsho Gad, Reuben, tüsho Aniakhiuklim Manase trükbo a arü yamrüplurüp Jordan aniakhiuklim luabahdo, ju Atungpuh yamlarü Mosanü arü kilim jihkheah.”

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.