JIHUSUA 12:1 - AMÜSÜH HÜM CL Bible (BSI)

¹ Israel mihtsürübonü yana lude amükühkhi lomibo ju Jordan aniakhiuklim, Arnon ayung chingnü Hermon wung lim Araba aniakhiuklim khiung tüsho arünü kiulongthsürü harü laksah:

JIHUSUA 12:1 Iomraidhean Croise

1 KIULONG THSÜRÜ 4:19

Uri tsührü Geber, Amorrü kiulongthsüpuh Sihon tüsho Bashan kiulongthsüpuh Og lomi, Gilead lo ching; tüsho api ju lang lomi ching kovünor lakheah.

MUNGSHIKHÜN 133:3

Haju Hermon ayinke, Zion müzüngbo kheak akikhi nangde lah; tümüde ju ching Atungpuhnü müngühmühi thiyukhüm jihdo– lünnü alapü rhangdung.

MUNGSHIKHÜN 136:21

tüsho arü lomi yamrüplurüp thsüde jih, tümüde api amüthsüm lünnü rünkhiungde lah;

MUNGSHIKHÜN 89:12

Dukulim tüsho düjinglim nünü thrün; Tabor tüsho Hermon nü mung ching asühachihchoh.

ISAIA 16:2

Yüla arüla de aphinkhi wuhnubo nangde, asap hiumüzütkhi nangde, junangde Moab tsührübebo Arnon keyean kheak lah.

WÜHKHE 21:13

Ju chingnü tsahmusubah Amorrü lo aredung yean sunglo Arnon thripkhüh limpeang binkheam; tümüde Arnon ju Moab tüsho Amor dükeak aredung ah.

WÜHKHE 21:21

Judüki Israelrünü Amor kiulongthsüpuh Sihon kilim yunithsürü yüshihde tha,

WÜHKHE 21:24

Israelrünü nukshangnü api laksah, tüsho api lo Arnon kheaknü Jabok khiungde lu; tüshe Amonrü lang khiungde lu; tümüde Amonrü aredung ju chipi düküngde thsüa lakheah.

WÜHKHE 32:19

Tümüde isanü Jordan thripkhüh lim tüsho ju hobah arü lung yamrüplurüp mulu, tümütüsho ha Jordan aniakhiuklim isa yamrüplurüp lah.”

WÜHKHE 32:32

Isanü Atungpuh miki tsungthsüh thsakhambah Kanan lo ching yübah, tüshe yamrüplurüp a ha Jordan thrippeang labah.”

WÜHKHE 32:33

Jumonü Mosanü Gad le Reuben tsührübo, tüsho Josep tsührü Manase trük chamkhüh kilim, Amor kiulongthsüpuh Sihon kiulongthsü, Bashan kiulongthsüpuh Og kiulongthsü, alo tüsho kiutobo, tüsho ju mühi lomi ching lakhi kiutobo jih.

YUZÜNGTHALO 2:24

“Asürang, tsahmusuang tüsho Arnon ayung hode yüang. Kheahang, Amorrü Sihon, Heshbon kiulongthsüpuh, tüsho api lo inü nüsa khah ching jihdo. Api bede keochihang tüsho api lo müküh-a lung.

YUZÜNGTHALO 2:32

Judüki Sihon tüsho api mihtsürü alala isa azhihde keochihpü Jahaz ching akhiuk.

YUZÜNGTHALO 3:1

“Judüki isa rholobahle Bashan limro wutu; tüsho Bashan kiulongthsüpuh Ognü api mihtsürü alala bebah Edrei ching isa bede keochihpü akhiuk.

YUZÜNGTHALO 4:44

Tüsho ha Mosanü Israel mihtsürü miki zojihkhi yakzan;

YUZÜNGTHALO 4:46

ha Mosa tüsho Israel mihtsürübonü Ijip chingnü akhiukshu kukkhi, Hebron ching lakhi Amorrü kiulongthsüpuh Sihon lo ching jindükhün ching Beth Peor miki, Jordan thrippeang lakheah.

YUZÜNGTHALO 4:48

Arnon ayung yean lakhi Aroer kheaknü Sion müzüng khiungde (ju Hermon,)

JIHUSUA 1:15

Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”

JIHUSUA 11:17

Halak wung chingnü Seir lim wutukhi, Hermon wung khüp Lebanon jindükhün ching Baalgad khiungde apinü kiulongthsürübo alala kingde laksah.

JIHUSUA 11:3

Tüsho apinü thiyusheakbo Jordan thrip abande alarü Kananrü, Amonrü, Hitrü, Perizrü, awung lomi ching Jebusrü, tüsho Mizpa lomi Hermon ching larü Hivrü kilim yüshih.

JIHUSUA 13:8

Reuben le Gad trükbo tüsho Manase trük chamnakkhühnü Atungpuh yamlarü Mosanü ajihkhi nangde Jordan aniakhiuklim lu.

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.

MAHKHAPRÜ 11:18

Arünü sunglo hode yübah Edom tüsho Moab lomi mükamde ho tüsho Moab lomi aniakhiuklim arübah Arnon thripkhüh binkheam. Tüshe arünü Moab aredungyean ching müyüzah, tümüde Arnon ju Moab aredungyean lakheah.