JIHUSUA 11:23 - AMÜSÜH HÜM CL Bible (BSI)

²³ Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 11:23 Iomraidhean Croise

NEHEMIA 9:24

Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

EZEKIEL 45:8

Ha Israel ching api lakhit-kukruk thsübah. Tüsho I yo kiulongthsürübonü küyimkishe I mihtsürü mujuno; tüshe arünü Israel yamkhün kilim arü trük yande alo lushihbah.

YUZÜNGTHALO 1:38

tüshe Nun tsührü nü rungbuh Jihusua, ju ching yüzahbah. Api ki mulong tuthsukang, tümüde api hode Israelnü ju yamrüplurüp lubah.

YUZÜNGTHALO 25:19

Apinü nüsa kilim yamrüplurüp jihkhi lo ching küyimki Atungpuh nüsa Thrünpuhnü mühirü thiriri kheaknü sühakhimshihbanü, nüsanü Amalekrü lümkhitpü thüning bukkhüp chingnü nankhita bahang; nüsanü dümih.

JIHUSUA 11:18

Jurü kiulongthsürübo kheak Jihusuanü nimung ashang thirithsü.

JIHUSUA 12:7

Jihusua tüsho Israelrünü Jordan aniyüzahlim lomi kiulongthsürübo, Lebanon jindükhün ching Baalgad chingnü Edom phünide alakhi dukulim Halak wung khiungde yankhit. Ha lo Jihusuanü trükbo kilim lünnü arü lapung thsüpü chama jih.

JIHUSUA 18:10

Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.

JIHUSUA 22:4

Kheakü, apinü thiyuchihchimkhi nangde, Atungpuh nüsa Thrünpuhnü nüsa keoniorü Israelrü kilim mungtsü jihdo. Jumonü Jordan thripkhüh lim Atungpuh yamlarü Mosanü ajihkhi küpü nüsa yamalo la, ju ching nihbuh yam yimde yüang.

JIHUSUA 23:1

Atungpuhnü Israelrübo arü mühi thiriribo khah chingnü khümkhitbah kim ashang dunglim, küyimki Jihusua ashinbuhrü kamkhea,