JIHUSUA 11:21 - AMÜSÜH HÜM CL Bible (BSI)

²¹ Judüki Jihusuanü yübahle atoshang mihtsürü Anakim de ajikhi trük awung lomi ching larü Hebron, Debir, Anab, tüsho Juda le Israel awung lomi ching larübo laksahkham; Jihusuanü arübo laksahkham tüsho arü kiutobo thsümünimjih.

JIHUSUA 11:21 Iomraidhean Croise

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

WÜHKHE 13:33

Tüsho isanü ju ching Nephilimrü ngüdo (Nephilim chingnü arükhi Anak tsührübo); tüsho arü miki isabo sangyü-tangkhobo ruk lang kamdo.”

YUZÜNGTHALO 1:28

Isa küching yükhukpü? Isa keoniorübonü isa mulong ninishihde tha, Mihtsürübo isa kheaknü atoshang ah; kiutobo thüning khiungde chipi ayünlah; kheaküshe isanü ju ching Anakim tsührübo ngüdo.

YUZÜNGTHALO 2:21

mihtsürü ato, wüh hihkhi, tüsho Anakrü lo; tüshe Atungpuhnü Amonrü müngüh arübo dükheakshih, junangde arünü yankhita bahbah arü lo ching la;

YUZÜNGTHALO 9:2

Anakim tsührü-tsührü, mihtsürü ato tüsho ashang, sherü nüsanü mükheahla tüsho tha, Shepünü Anak tsühsoniuso müngüh zhipkhukpü?

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

AMIKHEAKAKHIUKKHI 6:2

Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.

MAHKHAPRÜ 1:20

Tüsho Mosanü athakhi nangde arünü Kaleb kilim Hebron jih; tüsho apinü ha chingnü Anak tsührü mahsam yankhitabah.