JIHUSUA 11:20 - AMÜSÜH HÜM CL Bible (BSI)

²⁰ Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

JIHUSUA 11:20 Iomraidhean Croise

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

1 KIULONG THSÜRÜ 12:15

Junangde kiulongthsüpuhnü mihtsürübo ki mani, tümütüsho apinü Nebat tsührü Jeroboam ki Shilonrü Ahija hode athakhi dünjipü Atungpuh lümkhi lakheah.

2 KIUTHSÜYUKHEAN 22:7

Tüshe Joram rhua kheahpü yüchoki Ahazia keampü ju Thrünpuh lümkhi lakheah. Küyimki Ahazia ju ching arükhea, apinü Nimshi tsührü Ahab yamkhün thsümünimpü Atungpuhnü mujude-mokhitkhi Jehu shorupü Jehoram lung wukhiuk.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

ABEKHIT 10:1

Kheakü Atungpuhnü Mosa ki tha, “Pharao kilim yüang; tümüde inü api tüsho ayamlarübo mulong müküpshihdo, junangde inü api miki harü amütsanbo huhbah,

ABEKHIT 11:10

Jumonü Mosa le Aron bünenü harü khinthiyinbebo alala Pharao miki rhimo; tüshe Atungpuhnü Pharao mulong müküpde kamshih, tüsho Israelrü api lomi chingnü mütsoshih.

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 9:12

Tüshe Atungpuhnü Pharao mulong müküpde kamshih; tüsho Atungpuhnü Mosa ki asukkhi nangde apinü ane ki mani.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

ISAIA 14:24

Wuto Atungpuhnü thiyuchihchimdo: Inü alümkhi nangde, junangde alabah; tüsho inü alümkihkhi nangde, ju adünjibah:

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

YUZÜNGTHALO 2:30

“Tüshe Heshbon kiulongthsüpuh Sihonnü isa muhoshih, tümüde khihni ha nangde, api nüsa khah ching jihpü Atungpuh nüsa Thrünpuhnü api me tüsho mulong müküpshih.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

MAHKHAPRÜ 14:4

Tüshe abuh le abe bünenü ha Filistiarü azhihde Atungpuhnü kim akhuchoh de mümükheah. Tümüde ju kim ching Filistiarünü Israel kurungkheak yakzan shuhde alakheah.

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.