JIHUSUA 11:15 - AMÜSÜH HÜM CL Bible (BSI)

¹⁵ Atungpuhnü thiyukhüm ayamlarü Mosa kilim jih, jurübo Mosanü Jihusua kilim jih, tüsho Jihusuanü jurübo anide rhimo. Atungpuhnü Mosa kilim thiyukhüm jihkhi nangde apinü tümü mürhimokhi müla.

JIHUSUA 11:15 Iomraidhean Croise

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

WÜHKHE 33:50

Kheakü Jirikho hobah Jordan ki, Moab dükhün ching Atungpuhnü Mosa ki tha,

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 31:3

Atungpuh nü Thrünpuh nüsa müngüh yübah; apinü harü trükshihbo dükheakshihbah tüsho nüsanü arübo yankhita bahbah; tüsho Atungpuhnü athakhi nangde, Jihusua nüsa müngüh yübah.

YUZÜNGTHALO 31:5

Tüsho Atungpuhnü arübo nüsa kilim jihbah, tüsho inü nüsa ki thiyukhüm jihkhi nangde nüsanü arü kheak rhimobah.

YUZÜNGTHALO 31:7

Judüki Mosanü Israelrü alala mikinü Jihusua jibahle tha, “Reangzahang tüsho mulong toang, tümüde Atungpuhnü harü jihshihpü arü jipürü ki thiyuchihchimkhi lo ching ha mihtsürübo lung nü ayübeah, tüsho nü hode ju arünü yamrüplurüp lubah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

YUZÜNGTHALO 4:5

“Tsükjide Atungpuh I Thrünpuhnü I ki thiyukhüm jihkhi yande inü nüsa ki thsangyudo, junangde nüsa yübah alupü lakhi lo ching jurübo zhimbah.

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 11:12

Atungpuh yamlarü Mosanü thiyukhüm jihkhi nangde Jihusuanü jurü kiulongthsürü kiutobo tüsho kiulongthsürübo yanabah, tüsho alala nukshangnü sheshih.

JIHUSUA 11:14

Israelrübonü shoto kukruk tüsho shiwühbo nihbuh thsungkheaknü ju kiutobo chingnü lu; tüshe arünü mihtsürübo a alala shekhamshih.

JIHUSUA 11:16

Jumonü Jihusuanü alomi alala yankhia lu; awung lomi tüsho Negeb, Goshen lo alala tüsho lokeamlo, Araba, Israel awung lomi tüsho Jordan dükhün,

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.