JIHUSUA 11:12 - AMÜSÜH HÜM CL Bible (BSI)

¹² Atungpuh yamlarü Mosanü thiyukhüm jihkhi nangde Jihusuanü jurü kiulongthsürü kiutobo tüsho kiulongthsürübo yanabah, tüsho alala nukshangnü sheshih.

JIHUSUA 11:12 Iomraidhean Croise

YUZÜNGTHALO 7:2

tüsho küyimki Atungpuh nüsa Thrünpuhnü arübo nüsa khah ching jihbanü arübo shahde adükheakkhambah. Nüsanü arü kheak tümü tangzüng düthsü yungsho mihmüthsüm dühuh.

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

JIHUSUA 10:20

Küyimki Jihusua tüsho Israelrünü arübo mükheamkhamyi khiungde shahde alaksahkhamkhea, tüsho küyimki khürü yünü chipi ayünkhi kiuto ching yüzahkhea,

JIHUSUA 10:28

Ju nimung Jihusuanü Makkeda tüsho ju kiulongthsüpuh laksah. Ju ching larü alala apinü sheshe maningshihde laksah. Apinü Jirikho kiulongthsüpuh kheak tümü rhimokheanü junangde Makkeda kiulongthsüpuh kheak she rhimo.

JIHUSUA 10:30

Tüsho Atungpuhnü Israel kilim kiuto tüsho ju kiulongthsüpuh arü khah ching jih; ju ching lakhi khülang she maningshihde arü nukshangnü laksahkham. Arünü Jirikho kiulongthsüpuh kheak rhimokhi nangde Libna kiulongthsüpuh kheak she rhimo.

JIHUSUA 10:32

Atungpuhnü nimung mahnepü ching Lakishrü ju Israelrü khah ching jih. Arünü Libna ching rhimokhi nangde ju kiuto ching khülang she maningde laksahkham.

JIHUSUA 10:35

Arünü ju nimungnü yan, tüsho nukshangnü laksah; tüsho Lakish ching rhimokhi nangde ju ching lakhi mihtsürü sheshe maningde laksahkham.

JIHUSUA 10:37

tüsho ju yan, tüsho kiulongthsüpuh, ju mühi kiutobo tüsho ju ching lakhi mihtsürü athrünkhi nukshangnü laksah; Eglon ching rhimokhi nangde apinü ju kiuto thsümünimjih tüsho mihtsürü khülang she maningde laksah.

JIHUSUA 11:13

Tüshe, Israelrünü wungduduhbo ching lakhi kiutobo mütak tahle Hazor lang Jihusuanü takabah.

JIHUSUA 11:15

Atungpuhnü thiyukhüm ayamlarü Mosa kilim jih, jurübo Mosanü Jihusua kilim jih, tüsho Jihusuanü jurübo anide rhimo. Atungpuhnü Mosa kilim thiyukhüm jihkhi nangde apinü tümü mürhimokhi müla.

JIHUSUA 13:6

Lebanon tüsho Misrephoth-maim ane dükeak awung lomi ching larü Sidonrü alala. Israelrü müngühlim yü yande inü harü mihtsürübo yankhita bahbah; judü lang inü thiyukhüm jihkhi nangde nünü alobo ju Israelrü kilim yamrüplurüp chama jihang,

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 8:31

Atungpuh yamlarü Mosanü Israelrü kilim thsangdankhi, Mosa yakzan hüm ching lakhi yande apinü rhimo: “Yinbeannü mükheankhukkhi lungnü kingaün sadam thsü.” Arünü ju kheak Atungpuh kilim taka kingaün tüsho mungtsü kingaün jih.

JIHUSUA 8:8

Küyimki nüsanü kiuto ju ayankhitbanü, Atungpuhnü thiyukhüm jihkhi nangde mo thsahkihang. Harü ha nüsa kilim I yukhüm jihchoh.”

JIHUSUA 9:24

Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah.