JIHUSUA 10:40 - AMÜSÜH HÜM CL Bible (BSI)

⁴⁰ Jumonü Jihusuanü lomi alala, awung lomi tüsho Negeb lokeam lobo, adüpheak tüsho arü kiulongthsürü alala yankhitkham; apinü sheshe maningshih, tüshe sheak thsükhi alala Atungpuh Israel Thrünpuhnü thiyukhüm jihkhi yande thsümünimjih.

JIHUSUA 10:40 Iomraidhean Croise

1 KIULONG THSÜRÜ 15:29

Api kiulongthsü tankih akede apinü Jeroboam yamkhün alala laksah; apinü api yamlarü Shilonrü Ahija hode asukkhi Atungpuh yu ayannü, apinü müdükheakshihyi khiungde, Jeroboam yamkhün ching sheak thsükhi khülang she maningshih–

NEHEMIA 9:24

Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

MUNGSHIKHÜN 9:17

Mihbukmuyuk Ashe-lomi ching yübah, Thrünpuh bahyukrü trükshih alala.

ABEKHIT 34:12

Nüsa yüpü lakhi lomi ching larü kheak binthrüm müthsüpü kümkangang, jude yungsho nüsa bolung arübo ju qimürip labah.

WÜHKHE 13:17

Jumonü Mosanü arübo Kanan lo züta kheahpü thiyi, tüsho arü ki tha, “Negeb hode awung lomi ching yüang,

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 2:34

Judüki isanü api kiutobo ludo, tüsho athrürü, aliberü, tüsho kiuto ching lakhi azürü aninibo sheshe maningshihde dükheakkhamshih.

YUZÜNGTHALO 7:24

Tüsho apinü arü kiulongthsürübo nüsa khah ching jihbah, tüsho nüsanü arü mung thüning bukkhüpnü dükheakshihbah; nüsanü arü müdükheakkhamshihyi khiungde she mihtsürünü nüsa azhihde müzhipkhuk.

JIHUSUA 10:35

Arünü ju nimungnü yan, tüsho nukshangnü laksah; tüsho Lakish ching rhimokhi nangde ju ching lakhi mihtsürü sheshe maningde laksahkham.

JIHUSUA 10:37

tüsho ju yan, tüsho kiulongthsüpuh, ju mühi kiutobo tüsho ju ching lakhi mihtsürü athrünkhi nukshangnü laksah; Eglon ching rhimokhi nangde apinü ju kiuto thsümünimjih tüsho mihtsürü khülang she maningde laksah.

JIHUSUA 10:39

Apinü ju kiuto, kiulongthsüpuh tüsho ju mühi kiutobo alala yanabah. Ju ching she khülang lang she maningde laksahkham. Jihusuanü Hebron tüsho Libna tüsho jurü kiulongthsürübo kheak rhimokhi nangde Debir tüsho ju kiulongthsüpuh kheak she rhimo.

JIHUSUA 11:16

Jumonü Jihusuanü alomi alala yankhia lu; awung lomi tüsho Negeb, Goshen lo alala tüsho lokeamlo, Araba, Israel awung lomi tüsho Jordan dükhün,

JIHUSUA 12:8

Ha dang ching bekhi ju awung lomi, aniyüzahlim lokeamlo, sunglo, Jordan jindükhün. Tüsho ju Hitrü, Amorrü, Kananrü, Perizrü, Hivrü, tüsho Jebusrü lapung lakheah.

JIHUSUA 18:21

Kheakü Benjamin trük kilim arü guk ayannü ajihkhi kiutobo ju Jirikho, Beth-hogla, Emek Keziz,

JIHUSUA 6:17

Kiuto tüsho ju ching lakhi kukruk lüpdükhi Atungpuh ki kingaün jihpü thsüde shahde thsümünima bahang. Müzammürambe Rahab tüsho ayamkhün lang aningshihbah, tümüde anihbenü isa yo thirirhurü jikshih.

JIHUSUA 8:2

Nünü künangde Jirikho tüsho kiulongthsüpuh kheak rhimokheanü ju ruk Ai tüsho kiulongthsüpuh kheak she rhimoang, tüshe hakhip a kukrukbo tüsho shiwühbo nü lupü kuklah. Kiuto ju adunglimnü ayanpü thsakhamang.”

JIHUSUA 8:27

Atungpuhnü Jihusua ki thiyukhüm jihkhi nangde Israelrübonü shiwüh tüsho kukrukbo kiuto chingnü ayankhikhi arü thsungkheaknü lu.

JIHUSUA 9:24

Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah.