JIHUSUA 10:4 - AMÜSÜH HÜM CL Bible (BSI)

⁴ “ Gibeon yanpü thsungkheaknü arübah I rungang, tümüde arünü Jihusua tüsho Israelrü kheak mungtsü thsüdo.”

JIHUSUA 10:4 Iomraidhean Croise

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

YUNIRÜBO RHIMO 21:28

Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.”

2 TIMOTHI 3:12

Atsütsü, Jisu Khrista ching kinde alapü künkhi rhangdung alala athsümüchibah;

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

JIHUSUA 10:1

Jirikho tüsho kiulongthsüpuh yanabahkhi ruk, Jihusuanü Ai tüsho kiulongthsüpuh yando de Jirusalem kiulongthsüpuh Adonizedeknü so. Tüsho Gibeonrünü Israelrü kheak mungtsüde arü bolung lah de apinü so.

JIHUSUA 10:5

Judüki Amorrü kiulongthsürü phüngü, Jirusalem, Hebron, Jarmuth, Lakish, tüsho Eglon kiulongthsürü bolung thirithsürübo bebah Gibeon zündo tüsho bede keochih.

JIHUSUA 9:15

Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.

1 PETER 4:4

Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh;

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.