JIHUSUA 10:39 - AMÜSÜH HÜM CL Bible (BSI)

³⁹ Apinü ju kiuto, kiulongthsüpuh tüsho ju mühi kiutobo alala yanabah. Ju ching she khülang lang she maningde laksahkham. Jihusuanü Hebron tüsho Libna tüsho jurü kiulongthsürübo kheak rhimokhi nangde Debir tüsho ju kiulongthsüpuh kheak she rhimo.

JIHUSUA 10:39 Iomraidhean Croise

2 KIULONG THSÜRÜ 10:11

Jumonü Jehunü Jezreel ching Ahab yamkhün aningkhi alala, limberü alala, mükheahachihrübo tüsho amükeamrübo, rhangdung lapü maningshihde laksahkham.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

YUZÜNGTHALO 3:3

“Jumonü Atungpuh isa Thrünpuhnü Bashan kiulongthsüpuh Og tüsho api mihtsürü alala isa khah ching yukjih, tüsho arü khülang she maningshihde laksahkham.

JIHUSUA 10:33

Judüki Gezer kiulongthsüpuh Horam she Lakish rungpü atu, tüshe Jihusuanü api tüsho amihtsürübo sheshe maningde laksahkham.

JIHUSUA 10:37

tüsho ju yan, tüsho kiulongthsüpuh, ju mühi kiutobo tüsho ju ching lakhi mihtsürü athrünkhi nukshangnü laksah; Eglon ching rhimokhi nangde apinü ju kiuto thsümünimjih tüsho mihtsürü khülang she maningde laksah.

JIHUSUA 10:38

Jushu Jihusua tüsho Israelrübo Debir lim alodarübah ju ching keochih.

JIHUSUA 10:40

Jumonü Jihusuanü lomi alala, awung lomi tüsho Negeb lokeam lobo, adüpheak tüsho arü kiulongthsürü alala yankhitkham; apinü sheshe maningshih, tüshe sheak thsükhi alala Atungpuh Israel Thrünpuhnü thiyukhüm jihkhi yande thsümünimjih.

JIHUSUA 11:8

Atungpuhnü arübo Israelrü khah ching jih; Israelrübonü Misrephothmaim, Sidon, tüsho Mizpa jindükhün aniakhiuklim khiungde müshamde yan. Thiriri müshekhamyi khiungde arünü yande laksah.

JIHUSUA 12:13

Debir, Geder,

1 SAMUEL 15:3

Kheakü yüang tüsho Amalekrü yanabahang, tüsho arü lakhi alala thsümünimjang; arübo daningshih, tüsho athrürü tüsho aliberü, azürü tüsho khungarü, moshipung tüsho namfimihnu, kemel tüsho donkibo laksahang.’ ”

1 SAMUEL 15:8

Apinü Amalekrü kiulongthsüpuh Agag arhangnü ram, tüshe mihtsürü alala nukshangnü laksahkham.