JIHUSUA 10:37 - AMÜSÜH HÜM CL Bible (BSI)

³⁷ tüsho ju yan, tüsho kiulongthsüpuh, ju mühi kiutobo tüsho ju ching lakhi mihtsürü athrünkhi nukshangnü laksah; Eglon ching rhimokhi nangde apinü ju kiuto thsümünimjih tüsho mihtsürü khülang she maningde laksah.

JIHUSUA 10:37 Iomraidhean Croise

ABEKHIT 17:13

Jumonü Jihusuanü Amalekrü nukshangnü kuk.

JIHUSUA 10:28

Ju nimung Jihusuanü Makkeda tüsho ju kiulongthsüpuh laksah. Ju ching larü alala apinü sheshe maningshihde laksah. Apinü Jirikho kiulongthsüpuh kheak tümü rhimokheanü junangde Makkeda kiulongthsüpuh kheak she rhimo.

JIHUSUA 10:35

Arünü ju nimungnü yan, tüsho nukshangnü laksah; tüsho Lakish ching rhimokhi nangde ju ching lakhi mihtsürü sheshe maningde laksahkham.

JIHUSUA 10:36

Jushu, Jihusua tüsho Israelrü alala Eglon chingnü Hebron ching wutubah keochih,

JIHUSUA 10:38

Jushu Jihusua tüsho Israelrübo Debir lim alodarübah ju ching keochih.

JIHUSUA 10:39

Apinü ju kiuto, kiulongthsüpuh tüsho ju mühi kiutobo alala yanabah. Ju ching she khülang lang she maningde laksahkham. Jihusuanü Hebron tüsho Libna tüsho jurü kiulongthsürübo kheak rhimokhi nangde Debir tüsho ju kiulongthsüpuh kheak she rhimo.

JIHUSUA 10:40

Jumonü Jihusuanü lomi alala, awung lomi tüsho Negeb lokeam lobo, adüpheak tüsho arü kiulongthsürü alala yankhitkham; apinü sheshe maningshih, tüshe sheak thsükhi alala Atungpuh Israel Thrünpuhnü thiyukhüm jihkhi yande thsümünimjih.

JIHUSUA 11:12

Atungpuh yamlarü Mosanü thiyukhüm jihkhi nangde Jihusuanü jurü kiulongthsürü kiutobo tüsho kiulongthsürübo yanabah, tüsho alala nukshangnü sheshih.