JIHUSUA 10:11 - AMÜSÜH HÜM CL Bible (BSI)

¹¹ Küyimki Amorrü ju Israel bonungrü müngüh alihde yükheanü, Atungpuhnü arü kheak Beth-horon chingnü Azeka khiungde aru keamkhishih. Israelrü thsühnuknü alaksahkhi kheaknü arunü akingsahkhi ahihbe lakheah.

JIHUSUA 10:11 Iomraidhean Croise

THRÜNTAN 19:24

Judüki Atungpuhnü molung tüsho mo thüning chingnü Sodom tüsho Gomorra kheak akishih.

2 SAMUEL 18:8

Thirithsü ju lomi alala ching bude yü; tüsho nukshangnü alaksahkhi kheaknü alübe thsüde murung chingnü she.

JOB HU H T ANYU 38:22

Nünü phürüm zopung ching yüzahdü de, yungsho aru zopung ngüdü de,

JOB HU H T ANYU 38:23

küpü inü thsünü kim, keochih tüsho thirithsü nimung thsungkheak zomuwuhla?

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

MUNGSHIKHÜN 147:17

apinü lungjinimbo nangde aru akishihchoh; api yo arüng miki shenü azhipkhukba?

ISAIA 28:2

Kheahang, Atungpuh lung Wuto tüsho sühmüh lakhi khülang lah, tsüngpungtsüngpung aru nangde, athsümünimbe chinthrüm nangde, amüküp tsüngpungtsüngpung nangde, zhikhiukde abukkhi kebo; api khahnü arübo alo kheak jipkhia bahbah.

ISAIA 28:21

Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

EZEKIEL 13:11

Amüyenü mujudorü ki ha akeambah de thaang. Tsüngnü düchi bede arübah, tüsho akingbeakshihpü arulung akishihbah, tüsho apung amüküpnü yünbeakshihbah.

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

AMIKHEAKAKHIUKKHI 11:19

Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.

AMIKHEAKAKHIUKKHI 16:21

tüsho arulung atobo, khahngak 50 bande thüning chingnü mihtsürü kheak keam. Tüsho arulung arüm dünkheaknü arünü Thrünpuh athru, tümütüsho aru ju khide atrebe lakheah.

MAHKHAPRÜ 5:20

Thüningbo ching chiningbonü keochih, arünü arü limrobo chingnü Sisera azhihde keochih.