JIHUSUA 1:8 - AMÜSÜH HÜM CL Bible (BSI)

⁸ Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.

JIHUSUA 1:8 Iomraidhean Croise

THRÜNTAN 24:63

Isaknü lümakheahpü arelim thulu ching yü; tüsho abina kheahshe kemelbo arüde alakheah.

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 119:15

Inü nü yukhümbo tamkhüntamnüde alümbah, tüsho nü limrobo lümakheahbah.

MUNGSHIKHÜN 119:97

Küdükhüh inü nü yakzan muzhola! Inü ha dünkheak nimung amuyung lümchoh.

MUNGSHIKHÜN 119:99

I thsangyurübo alala kheaknü I alü anikhitkhi lah, tümüde nü yakzanbo ju I tamkhüntamnü-lüm lah.

MUNGSHIKHÜN 19:14

I mün ching thiyubo tüsho I mulong ching lümkhibo nü miki aleangkhikhukbe kamshang, O Atungpuh , I tsoyukpung tüsho I rhokhitrü.

MUNGSHIKHÜN 40:10

Inü nü thiyuro-lungki I mulong ching müram; inü nü thiyuro tüsho akhümkhit khipkhit; inü mukhungmüdan ato ki nü muzho tüsho thiyuro rama muzo.

MÜCHITMUDU 3:1

I tsah-a I yakzan dümih, tüshe nü mulongnü I yukhümbo zoshang;

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

MATHI 7:24

“Jumonü sherünü I yu harü sobah anide rhimochonü lung kheak api yam thsükhi nangde lah.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

JOHAN 13:17

Nüsanü harü mükheahde rhimosho nüsa asühpü.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

YUZÜNGTHALO 29:8

Isanü arü lo ludo tüsho yamrüplurüp thsüde Reubenrü, Gadrü tüsho Manase trük chamkhüh kilim jih,

YUZÜNGTHALO 29:9

jumonü ha tangzüngkhi yubo zoang tüsho rhimoang, junangde nüsanü arhimokhi alala ching alü thsübah.

YUZÜNGTHALO 30:14

Tüshe thiyu ju nü ki khide thüninde, nü mün ching tüsho nü mulong ching lah, junangde nünü ju rhimobah.

YUZÜNGTHALO 31:11

küyimki apinü amokhitkhi dangpung ching Atungpuh nüsa Thrünpuh miki Israelrü alala arübanü, ha yakzan nünü Israelrü alalanü sode kheang.

YUZÜNGTHALO 31:24

Jumonü küyimki Mosanü ha yakzan hüm ching thrütkhamkhea,

YUZÜNGTHALO 5:1

Tüsho Mosanü Israelrü alala jibah arü ki tha, “O Israel, yakzanbo tüsho thiyuzüngbo inü nüsa ki khihni thakhi aniang, junangde nüsanü jurü yande arhimopü kümkangang.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 8:34

Jushu yakzan hüm ching lakhi yande, Jihusuanü müngühmühi tüsho muthrumünean alala yakzan ju achangnü khe.

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.