JIHUSUA 1:7 - AMÜSÜH HÜM CL Bible (BSI)

⁷ Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 1:7 Iomraidhean Croise

1 KIULONG THSÜRÜ 2:2

“I alomi alala yüpung limro yüpü khiungmuroh. Reangzahang, mulong toang,

1 KIULONG THSÜRÜ 2:3

tüsho Mosa yakzan ching thrüta lakhi nangde api limrobo ching tsahde, api yakzanbo, api yukhümbo, api yuzüngbo tüsho api thiyumütsanbo anide Atungpuh nü Thrünpuhnü thiyukhüm jihkhibo zoang, junangde nünü arhimokhi alala ching tüsho nü yüpungbo ching akuk ngübah.

2 KIULONG THSÜRÜ 22:2

Apinü Atungpuh miki alungki rhimo, tüsho abuh David limro alala ching tsah; apinü tsülim yungsho huzulim manguh.

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

2 KIUTHSÜYUKHEAN 15:7

Tüshe nüsa, mulong toang! nüsa khahbo dükeakeashih, tümüde nüsa rhimokhi ching thsambah ngübah.”

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

JOB HU H T ANYU 1:8

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla, Thrünpuh wüntrekhi tüsho alungki mihtsürü tüsho amütsü chingnü bahkhichoh.”

MUNGSHIKHÜN 80:19

Isa laloshang, O Wuto Atungpuh Thrünpuh; nü miro yinshang, tüsho isa khümkhita labah!

MÜCHITMUDU 4:27

Tsülim yungsho huzulim danguh; amütsü chingnü nü jing atrütang.

MÜCHITMUDU 8:20

Inü thiyuro tsahpungbo yande thiyuro-lungki limro ching tsahchoh,

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

WÜHKHE 27:23

Tüsho Atungpuhnü thiyukhüm jihkhi nangde Mosanü Jihusua ku kheak akhah nimbah rhimo jih.

YUZÜNGTHALO 11:8

“Jumonü khihni inü nüsa kilim jihkhi thiyukhüm alala aniang, junangde, nüsanü amükühpü hode ayüpü lomi ching yüzahpü sühmüh labah tüsho alubah,

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 28:14

Jumonü inü khihni küpü yukhüm nüsa ki jihchonü nüsanü püpürü thrünpuhbo tankihpü ju kheaknü tsülim yungsho huzulim danguh.

YUZÜNGTHALO 29:8

Isanü arü lo ludo tüsho yamrüplurüp thsüde Reubenrü, Gadrü tüsho Manase trük chamkhüh kilim jih,

YUZÜNGTHALO 29:9

jumonü ha tangzüngkhi yubo zoang tüsho rhimoang, junangde nüsanü arhimokhi alala ching alü thsübah.

YUZÜNGTHALO 31:7

Judüki Mosanü Israelrü alala mikinü Jihusua jibahle tha, “Reangzahang tüsho mulong toang, tümüde Atungpuhnü harü jihshihpü arü jipürü ki thiyuchihchimkhi lo ching ha mihtsürübo lung nü ayübeah, tüsho nü hode ju arünü yamrüplurüp lubah.

YUZÜNGTHALO 4:2

Inü thiyukhüm jihkhi yu kheak nüsanü alü düyuk, yungsho yihkhita dübah, junangde nüsanü inü thiyukhüm jihkhi, Atungpuh nüsa Thrünpuh yukhüm zobah.

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

JIHUSUA 1:1

Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha,

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 11:15

Atungpuhnü thiyukhüm ayamlarü Mosa kilim jih, jurübo Mosanü Jihusua kilim jih, tüsho Jihusuanü jurübo anide rhimo. Atungpuhnü Mosa kilim thiyukhüm jihkhi nangde apinü tümü mürhimokhi müla.

JIHUSUA 23:6

Jumonü mihyuanipü tüsho Mosa yakzan hüm ching thrüta lakhi nangde alala rhimopü düküngang, Ju chingnü tsülim yungsho huzulim danguh,