JIHUSUA 1:6 - AMÜSÜH HÜM CL Bible (BSI)

⁶ Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 1:6 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

2 SAMUEL 10:12

Reangzahang, tüsho isanü isa mihtsürü tüsho isa Thrünpuh kiutobo dünkheaknü mulong toanü; tüsho Atungpuhnü api tsükhi thsüshang.”

1 KIULONG THSÜRÜ 2:2

“I alomi alala yüpung limro yüpü khiungmuroh. Reangzahang, mulong toang,

1 KIUTHSÜYUKHEAN 22:13

Judüki Israel thsungkheak Atungpuhnü Mosa ki thiyukhüm jihkhi yakzan thsükhibo tüsho thiyuzüngbo kümkangde yansho nü akuk ngübah. Reangzahang tüsho mulong toang. Dütre yungsho mulong dünini.

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

2 KIUTHSÜYUKHEAN 15:7

Tüshe nüsa, mulong toang! nüsa khahbo dükeakeashih, tümüde nüsa rhimokhi ching thsambah ngübah.”

2 KIUTHSÜYUKHEAN 20:11

nünü isa kilim yamrüplurüp jihkhi nü yo alakukruk chingnü isa yankhitde athrihloshih.

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

WÜHKHE 26:53

Alo ju arü wühkhe ayannü yamrüplurüp thsüde mülüjihkheah.

WÜHKHE 33:53

nüsanü ju lo ching larü yankhitbahle ju ching laang, tümüde nüsa lashihpü alo inü jihdo.

1 KORINT 16:13

Kurhangang, akin ching düküngde zhipang, mulong toang, reangzahang.

EFISIA 6:10

Akheamde, Atungpuh tüsho wuto sühmüh ching düküngang.

YUZÜNGTHALO 1:21

Kheahang, Atungpuh nüsa Thrünpuhnü nüsa müngüh alo zojihlah; Atungpuh nüsa bebuhrübo Thrünpuhnü athakhi nangde, nüsa wutuang tüsho ju luang; dütre yungsho mulong dünini.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 11:8

“Jumonü khihni inü nüsa kilim jihkhi thiyukhüm alala aniang, junangde, nüsanü amükühpü hode ayüpü lomi ching yüzahpü sühmüh labah tüsho alubah,

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

JIHUSUA 1:18

Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 10:25

Tüsho Jihusuanü arübo ki tha, “Dütre tüsho mulong dünini; reangzahang tüsho mulong ato thsang; tümüde Atungpuhnü nüsa riri alala ki ha ruk rhimopü thsüchoh.”

JIHUSUA 13:6

Lebanon tüsho Misrephoth-maim ane dükeak awung lomi ching larü Sidonrü alala. Israelrü müngühlim yü yande inü harü mihtsürübo yankhita bahbah; judü lang inü thiyukhüm jihkhi nangde nünü alobo ju Israelrü kilim yamrüplurüp chama jihang,

JIHUSUA 18:3

Jumonü Jihusuanü Israelrü ki tha, “Atungpuh nüsa jipürü Thrünpuhnü ajihkhi lo ching yübah muluyichoki nüsa külokhüh henih thsüba le?

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.

JIHUSUA 5:6

Tümüde thirithsürü mihtsürü Ijip chingnü akhiukkhi müshekhamyi khiungde Israelrü sunglo ching kam yirü tsah, tümütüsho arünü Atungpuhnü athakhi mani; Atungpuhnü arü jipürü ki niuhke tüsho mukhuke bukkhi lo jihpü thiyuchihchimkhi arünü müngüshih de Atungpuhnü thiyuchihchim.

1 SAMUEL 4:9

Mulong toang, tüsho athrüpungrü thsang, O Filistiarü, junangde arübo nüsa ki lakhi nangde nüsa Ibrirü ki azhorü mükam; athrüpungrü thsang tüsho keochihang.”