JIHUSUA 1:5 - AMÜSÜH HÜM CL Bible (BSI)

⁵ Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.

JIHUSUA 1:5 Iomraidhean Croise

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

1 KIULONG THSÜRÜ 1:37

I tungpuh kiulongthsüpuh lung Atungpuh lakhi nangde Api Solomon lung lashang, tüsho api kiulongthsü-binkiu ju I tungpuh kiulongthsüpuh David kiulongthsübinkiu kheaknü atobe lashang.”

1 KIULONG THSÜRÜ 11:38

Nünü I yukhüm alala anide, I limrobo ching tsahsho, tüsho I yamlarü Davidnü arhimokhi nangde, I yakzanbo tüsho I yukhümbo anide I miki alungki rhimosho, I nü lung labah, tüsho inü David khilim thsüjihkhi nangde nü khilim atsüpbe yam thsüjihbah, tüsho inü nü kilim Israel jihbah.

1 KIULONG THSÜRÜ 6:13

I Israel tsührü bolung labah, tüsho I mihtsürü Israel mübahyuk.”

1 KIULONG THSÜRÜ 8:57

Api isa jipürü lung lakhi nangde Atungpuh isa Thrünpuh isa lung laang; apinü isa düdükhe shi yungsho isa dübahyuk shi,

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

JEREMIA 1:8

Arü dütre, tümüde nü kümpü I nü lung lah, Atungpuhnü thachoh.

DANIEL 11:16

Tüshe shepünü api azhihde arüchonü anihbuh lümkhi nangde athsübah, tüsho shenü api müngüh müzhip, tüsho api müretah lomi ching zhipbah, tüsho ju alala api wu ching labah.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

YUZÜNGTHALO 4:31

(tümüde Atungpuh nüsa Thrünpuh ju amüthsüm Thrünpuh) apinü nüsa mübahyuk yungsho müdükheakshih, yungsho apinü nüsa bebuhrü kheak tangzüngkhi mümih.

YUZÜNGTHALO 7:24

Tüsho apinü arü kiulongthsürübo nüsa khah ching jihbah, tüsho nüsanü arü mung thüning bukkhüpnü dükheakshihbah; nüsanü arü müdükheakkhamshihyi khiungde she mihtsürünü nüsa azhihde müzhipkhuk.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

JIHUSUA 1:17

Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

JIHUSUA 10:8

Atungpuhnü Jihusua ki tha, “ Arübo dütre, tümüde inü arübo nü khah ching jihdo; arübo shenü she nü azhihde müzhipkhuk.”

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 3:7

Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah.

JIHUSUA 6:27

Junangde Atungpuh Jihusua lung lakheah, tüsho api mungshimungthu lomi athrünkhi ching soride yü.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 6:16

Tüsho Atungpuhnü api ki tha, “ Tsükjide I nü lung labah, tüsho nünü Midiarü mihtsürü khülang nangde akukbah.”

1 SAMUEL 10:7

Kheakü küyimki harü amütsanbo nünü ashoruba, nünü tsüde angükhi thsang, tümüde Thrünpuh nü lung lah.