JIHUSUA 1:4 - AMÜSÜH HÜM CL Bible (BSI)

⁴ Sunglo tüsho ha Lebanon kheaknü Euphra ato keto, Hitrü lo chingnü aniyüzahlim Ato Keto khiungde nüsa lomi thsübah.

JIHUSUA 1:4 Iomraidhean Croise

1 KIULONG THSÜRÜ 10:29

Khora-lolungbe ju Ijip chingnü shotoyinchi 600 tüsho khora 150 jihbah lubah arü; junangde kiulongthsüpuh shothsümolorü hode jurübo ju Hit tüsho Siria kiulongthsürübo kilim mühah-a yüshih.

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

1 KIUTHSÜYUKHEAN 18:3

Kheaküshe Davidnü Hamath lim lakhi, Zoba kiulongthsüpuh Hadadezer, Euphra ayung ching mümih-lung khimpü yüchoki yankhit.

1 KIUTHSÜYUKHEAN 5:9

Api Euphra limpeang loshelo atankihpung khiungde aniakhiuklim she la, tümütüsho arü akamshiwühbo Gilead lo ching bua lakheah.

EZRA 4:20

Jirusalem ching sühmüh larü kiulongthsürübonü aniyüzahlim Euphrarü kurungkheak ruk threa tsühde wüntre jihshihde laa lah.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 11:24

Nüsa jinglungnü athrümkhi dangpung aban nüsa yo thsübah: sunglo tüsho Lebanon chingnü Euphra yung kheaknü Mediterranean Keto she khiungde nüsa lomi thsübah.

YUZÜNGTHALO 3:25

Inü tamkhüntamnüchoh, I hode yüshang tüsho Jordan yean alo atsü, awung atsü tüsho Lebanon ngüshang.

AMIKHEAKAKHIUKKHI 9:14

hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.”