JIHUSUA 1:2 - AMÜSÜH HÜM CL Bible (BSI)

² “I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang.

JIHUSUA 1:2 Iomraidhean Croise

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

NEHEMIA 9:23

Thüning ching chiningbo nangde nünü arü kilim tsührübo jih, tüsho nünü arü jipürü ki müküh-a lushihpü thakhi lo ching arü bebah arü.

JOB HU H T ANYU 1:8

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla, Thrünpuh wüntrekhi tüsho alungki mihtsürü tüsho amütsü chingnü bahkhichoh.”

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

WÜHKHE 12:7

I yamlarü Mosa ki a ju ruk yung; inü api Israel mihtsürü athrünkhi kurungkheak zojihlah.

YUZÜNGTHALO 3:28

Tüshe Jihusua ki thiyukhüm jihang, tüsho api mulong tuthsukde reangzahshang, tümüde api ha mihtsürü müngüh yübah, tüsho apinü arü kilim nünü angükhi lo lushihbah.

YUZÜNGTHALO 31:7

Judüki Mosanü Israelrü alala mikinü Jihusua jibahle tha, “Reangzahang tüsho mulong toang, tümüde Atungpuhnü harü jihshihpü arü jipürü ki thiyuchihchimkhi lo ching ha mihtsürübo lung nü ayübeah, tüsho nü hode ju arünü yamrüplurüp lubah.

YUZÜNGTHALO 34:5

Jumonü Atungpuh yukhüm nangde, Atungpuh yamlarü Mosa ju Moab lomi ching she.

JIHUSUA 1:1

Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha,

JIHUSUA 1:11

‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”